PAOLE 28:31 - KITTA' MATANGKASA'

³¹ Lanisamballei sapinu ri dallekanna matannu, mingka tena nanukanrei dagenna. Laniembai a'lampa keledai-keledainu, nampa ammantang jako anciniki, siagang tena nalanipoterang. Lanipassareangi gimbala'-gimbala'nu mae ri musu-musunnu, nampa tena tau antulungko.

PAOLE 28:31 Referans Kwoze

HAKING-HAKING 6:1

Sikalipi pole, dorakamiseng umma' Israel mae ri Batara. Sa'genna nibalang parekang ke'nanga nikoasai ri bansa Midian tuju taung sallona.

PAOLE 28:30

Punna tena numannuruki ri Karaeng Allata'alanu, anne kammaya lantujuko: La'bayuangko, mingka tau maraeng lambuntingi bayuannu. Lambangungko balla', mingka tena nanupammantangngi. Lanulamungi koko anggoro'nu, mingka tanukanreai rapponna.

PAOLE 28:32

Lanipassareangi ri dallekanna matannu sikamma ana'nu salaku ata mae ri bansa maraenga. Allo-allona pacce matannu amboyai anjo ana'-ana'nu, mingka tena matu-matunna usahanu, nasaba' tenamo nalammotere' ke'nanga.

HAKING-HAKING 6:4

Appareki kema ke'nanga ri daerana Israel na napanraki ngaseng sikontu lamung-lamunga appakkaramula ri anjo daeraya sa'genna ri timboranna Gaza. Kammayatompa olo'-olo'na tu Israel kammaya gimbala', sapi, siagang keledai nalariang ngaseng ke'nanga. Sa'genna manna apa-apa lanakanrea tu Israel tena sikalimo.

AYUB 20:28

Sikontu kakalumanynyangnganna lacappuki, lanri allumpana larroNa Allata'ala.

YESAYA 62:8

Le'ba'mi a'janji Batara ammake sumpa nalaNagaukang lalang koasaNa: “Tenamo nalaKupassareang gandunnu mae ri musua; tenamo nalanainung bansa maraenga anggoro'nu wassele' karesoannu siagang kaposoannu.

YEREMIA 5:17

Lanapaccappuki ke'nanga wassele' buttanu siagang kanre-kanreannu kammayatompa nabunoi ana'-ana'nu. Lanasamballei ke'nanga olo'-olo' sapinu siagang gimbala'nu, siagang lapanraki ngasengi poko'-poko' anggoro'nu siagang poko'-poko' aranu. Lanaancuruki ke'nanga kota-kota ammakea tembo' pattahangngang ia nupattoanga.