PAOLE 26:2 - KITTA' MATANGKASA'

² musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.

PAOLE 26:2 Referans Kwoze

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

KALAPPASSANG 23:16

Pakalompo tongi Allo Lompo Pakkattoang ri wattunnu appakkaramula angkattoi uru wassele'na kokonnu. Pakalompoi Allo lompo Pa'ballakang Leko'-leko' ri kala'busang taung, ri wattunna nupasse're wassele' koko anggoro'nu siagang koko rappo-rappoannu.

YEHEZKIEL 44:30

Sikamma imanga musti nisareangi bageang kaminang bajika battu ri sikontu wassele' alleang bungasaka, siagang battu ri apa-apa mamo nipassareanga mae ri Nakke. Punna appare' bansa Israel roti, anjo roti bungasa' nipareka musti untu' imanga. Jari laKubarakkaki ruma tanggana bansa Israel.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

1 KORINTUS 16:2

Punna allo Minggu, iamintu allo bungasaka, paralluko massing assare doe', situru' massing panggappanu. Boliki anjo doeka sa'gengku battu, sollanna punna battua', tenamo naparallu nipasse're pole.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

ROMA 11:16

Punna sikere' roti uru-urua nipassareammi mae ri Allata'ala, battuanna anjo roti sibatua nipassareang tommi mae ri Allata'ala. Na punna Allata'ala pata anjo aka'na poko' kayua, battuanna anjo tangke-tangkenna Ia todong pata.

ROMA 8:23

Ba'lalo teai linoa bawang akkunrareng; passangalinna manna ikatte akkunrareng tongi lalang atinta. Le'ba'mi nitarima RohNa Allata'ala. Iaminjo passare uru-uruNa Allata'ala. Mingka attayangijaki', sollanna nilappassang todong sikontu batangkalenta ri Allata'ala siagang Napa'jariki' ana'-ana'Na.

YEHEZKIEL 48:14

Manna silama' takkullei nabalukang ke'nanga anjo buttaya yareka napassambei; bageang kaminang bajika battu ri butta Israel takkulleai nipalette' mae ri tau maraenga, nasaba' anjo buttaya le'ba'mi nisa'lakkang Batara siagang untu' Napatang.

YEHEZKIEL 20:40

Nasaba' ri butta Israel, ri coppo' bulukKu matangkasaka, ikau ngaseng, bansa Israel lanynyombako mae ri Nakke. Anjoreng lasannangi nyawaKu mae ri kau siagang erokKa' antarimai koro'bang-koro'bannu, passare-passarenu kaminang bajika siagang passare-passare nusa'laka.

PAOLE 16:10

nampa pakalompoi Allo Lompo Pakkattoanga untu' ampakala'biriki Karaeng Allata'alanu. Ri anjo alloa angngerangko passare ero' kalennu mae ri Ia, situru' jaina dalle' Napassareanga mae ri kau.

KALAPPASSANG 34:26

Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

PAPPICINI' 14:4

Iaminjo ke'nanga le'baka anjagai katangkasanna ke'nanga lanri tenana nale'ba' sialle siagang bai'-bainea; tangkasaki ke'nanga sangkamma tuloloa. Amminawangi ke'nanga ri Ana' Gimbalaka manna kemae Nalampai. Iaminjo ke'nanga le'baka nilappassang battu ri sikontu rupataua, a'jari bungasa' passare mae ri Allata'ala siagang mae ri Ana' Gimbalaka.

ROMA 16:5

Pabattuang tonga' sallangku mae ri jamaah niaka a'rappungang ri balla'na ke'nanga. Sallangku mae ri Epenetus, kukamaseanga. Iami tau uru-urua tappa' mae ri Almasi ri sikontu daera niaka ri Asia.

YEREMIA 2:3

Israel, iNakke KalengKu ampatangko, Kusayanga lalang ri pa'maikKu. Kupitujui bala sikontu tau ansessayako, iNakke, Batara, anne akkana.”

NEHEMIA 13:31

Kuatoro' tommi sollanna ri wattu-wattu attantua, akkullei napasadia ra'yaka kayu tunua untu' koro'bang nitunua siagang akkulle angngerang passare battu ri wassele' bungasa'na lamung-lamunna ke'nanga. Kala'busanna appala' doamma' angkana, “O, Allata'alaku, Kiu'rangi ngasengi anne siagang Kibarakkakia'.”

NEHEMIA 12:44

Anjo wattua nia' siapa are tau nisare tugasa' anjannangngi kamara'-kamara' tampa' parsadiaanga untu' amboliki sikamma sumbangang untu' Balla'Na Batara ri Yerusalem, kammayatompa passare bage sampulona siagang wassele' bungasa'na taua taung-taung. Sikamma anjo pajannanga musti napa'rappungi anjo sumbangang-sumbanganga battu ri sikamma koko niaka ri tammulilina kota-kotaya. Anjo sumbangang-sumbanganga nipassareangi mae ri sikamma imanga siagang tu Lewia, situru' paratoranna Hukkunga. Sikamma tu Yehudaya nahargai sikamma anjo imanga siagang tu Lewia,

2 PATTOTTORANG 31:5

Le'baki nipa'la'bang nipabattu anjo parentaya, massing angngerammi tu Israel mange ri Balla'Na Batara passarena ke'nanga iamintu massing wassele' bungasa' nagappaya ke'nanga, kammayami anggoro', tarigu, minynya' zaitun, je'ne' bani, siagang wassele' lamung-lamung maraengannaya. Angngerang tommi ke'nanga passare bage sampulona battu ri pa'barang-baranganna ke'nanga.

2 KARAENG-KARAENG 4:42

Ri se'reang wattu maraeng, nia' sitau bura'ne battu ri Baal-Salisa. Napangngerangngangi Elisa gandung beru nikatto kammayatompa ruampulo roti nipareka battu ri wassele' bungasaka ri wattu pakkattoang anjo taunga, kammayatompa battu ri gandung beru nikattoa. Nasuro bagemi Elisa anjo rotia mae ri anjo na'bi-na'bia,

YOSUA 18:1

Le'baki nabeta tu Israel anjo pa'rasangang Napa'janjianga Batara, asse'remi ke'nanga ri Silo, nampa nabangung ke'nanga Kema KahaderanNa Batara.

PAOLE 18:4

Wassele' bungasa'na gandunnu, je'ne' anggoro'nu, minynya' zaitunnu siagang bulu gimbala'nu, bageanna todong ke'nanga.

KAIMANGNGANG 2:14

Punna assareko koro'bang mae ri Batara, iamintu gandung bungasa' nukattoa, erangi anjo gandung berua ia le'baka nidengka sa'genna alusu' yareka le'baka nilangga.

KAIMANGNGANG 2:12

Battu ri wassele' buttaya, ia bungasa' niallea tunggala' taung, musti nipassareangi sipa'gang mae ri Batara, mingka takkulleai nitunu irate ri tampa' pakkoro'bangnganga.

KALAPPASSANG 22:29

Ri allo le'baka nipattantu, angngerangko passare mae ri Nakke, iamintu bageang battua ri wassele' gandunnu, je'ne' anggoro'nu siagang minynya' zaitunnu. Passareangi mae ri Nakke ana' bura'ne bungasa'nu,

1 KORINTUS 15:23

Mingka la'massing-massingi wattunna taua nipattallasa' poleang: uru-uruna Almasi; le'baki anjo, punna battu poleang Almasi, nampa sikamma tau antamaya ri pa'rappunganna umma'Na Almasi.

KALAPPASSANG 20:24

Apparekko untu' iNakke se're tampa' pakkoro'bangngang battu ri butta, nampa assare mako anjoreng gimbala' siagang sapi untu' koro'bang tunuang siagang koro'bang untu' passiamakkang. Ri tunggala' tampa' Kupattantua mae ri kau untu' a'jari tampa' ibadanu mae ri Nakke, labattuA' mae ri kau siagang laKubarakkakiko.

PAOLE 26:1

“Punna antama' mako ri pa'rasangang Napassareanga Karaeng Allata'alanu mae ri kau, siagang punna ammantang mako anjoreng,

PAOLE 26:3

A'lampamako mange ri imang tugasaka anjo wattua, siagang paui mae ri ia angkana, ‘Kupaumi mae ri Karaeng Allata'alanu angkanaya antamama' ri pa'rasangang Napa'janjianga Batara mae ri boe-boena ikambe untu' laNapassareang mae ri katte.’