PAOLE 25:15 - KITTA' MATANGKASA'

¹⁵ Pakemi timbangang siagang ukkurang annabaya sollanna la'bu umuru'nu ri pa'rasangang Napassareanga Karaeng Allata'alanu mae ri kau.

PAOLE 25:15 Referans Kwoze

KALAPPASSANG 20:12

Pakala'biriki manggenu siagang amma'nu, sollanna salewangang tallasa'nu siagang la'bu umuru'nu ri pa'rasangang Kupassareanga mae ri kau.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

1 PETRUS 3:10

Nia' tattulisi' lalang ri Kittaka angkanaya, “Inai-nai ero' angkasiaki mate'nena tallasaka, naero' ampisa'ringi allo-allo bajika, musti nakatutui bawana sollanna tamappaua bicara ja'dala', natamakkana balle-ballea.

EFESUS 6:3

iamintu: “Sollanna numate'ne siagang la'bu umuru'nu ri lino.”

PAMMUJI 34:12

Pilangngerimi, he ikau ana'-anaka ngaseng, kuajarakko mappakala'biri' mae ri Batara.

PAOLE 17:20

Punna rajengi ambacai, tenamo nalanakana kalenna la'bi bajikangngangi na julu bansana maraenganga, siagang manna antekamma tenamo nalanadakkai parentaNa Batara. Nampa iami siagang jari-jarina tuli lammarenta ri bansana.”

PAOLE 11:9

Siagang lattallasa' mako sisalloang ri pa'rasangang kalumanynyanga siagang copponga buttana, iamintu Napa'janjianga Batara mae ri boe-boenu siagang mae ri jari-jarina ke'nanga.

PAOLE 6:18

Gaukangi apa Nakanaya baji' siagang adele' Batara, na nusalewangang. Butta coppong Napa'janjianga Batara mae ri boe-boenu, lanupatangi,

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

YEHEZKIEL 45:10

Pakei timbangang siagang pa'baku' annabaya:

KAIMANGNGANG 19:35

Teako pa'dongo'-dongokangngi parannu tau lanri ammakeko ukkurang, timbangang yareka pa'baku' tenaya nannaba.

AMOS 8:5

Nukana ngaseng mae ri kalennu, “Teai sipato' sallona allo-allo passua'-suarranga. Erokki' akkaro-karo mange ambalukangi gandunta, mingka anne passua'-suarranga tena le'ba'-le'ba'na. Angngapapi nale'ba' anne allo Pammari-marianga, sollanta akkullemo a'balu pole? Erokki accatu', annipu ri pa'baku' siagang jekkong ri timbanganga.