PAOLE 24:5 - KITTA' MATANGKASA'

⁵ “Punna nia' bura'ne beru bunting, takkulleai nisuro antama tantara siagang nisuro a'lampa mange a'bundu' yareka nisare tugasa' maraengannaya. Musti nipakabebasaki battu ri tugasa'na lalang sitaung untu' angngurusuki ruma tanggana siagang ampakasannangi nyawana bainenna.

PAOLE 24:5 Referans Kwoze

PANGNGEBARANG 5:18

Lanri kammana anjo, paralluko mate'ne siagang baine kalennu; boyai kanyamangnganga siagang tulolo le'baka nunikkai,

PAOLE 20:7

Niakka ri kau tau le'ba' assuro untu' a'bunting? Punna nia', akkullei ammotere'. Nasaba' punna matei lalang pa'bundukang, tau maraeng lambuntingi anjo tau napassuroia.’

PA'JARIANG 2:24

Iaminjo saba'na nanabokoi bura'nea anrong manggena, nampa a'jari se're siagang bainenna, na'jari se'remo anjo ruaya tau.

KATO'BA 9:9

Kasia'mi tallasaka siagang bainennu nungaia lalang tallasa' sia-sianu, Nasareako Allata'ala ri lino. Kasia'mi allo-allo manna natena matu-matunna. Saba' iaji anjo bawang sawala' posonu.

1 KORINTUS 7:29

Pattujungku kammai anne sari'battang: Tenamo najai wattu ri katte. Appakkaramula ri kamma-kammaya anne, sikontu tau a'baineamo parallui attallasa' sanrapang tau tenayapa na'baine;

LUKAS 14:20

Na maraengannaya nakana, ‘Beru le'baka' a'bunting, jari takkullea' mange anjoreng.’

PAOLE 24:6

Punna assareko angnginrang apa-apa mae ri parannu tau, teako allei batu panggilingang gandunna anjo taua a'jari boro'. Punna nuallei batu panggilinganna anjo taua, nurampasa'mi pakkakasa' naparalluanga kaluargana anjo taua ansambungi katallassanna.