PAOLE 22:8 - KITTA' MATANGKASA'

⁸ Punna ambangungko balla', musti apparekko kalli' ri tammulilina biring pattongko'na anjo ballaka. Jari tena nanibattalliko punna nia' tau tu'guru' battu rate ri pattongko'na anjo ballaka sa'genna mate.

PAOLE 22:8 Referans Kwoze

MARKUS 2:4

Mingka lanri jaina tau, takkulleami ke'nanga battu mae ri Isa. Jari angngambi'mi ke'nanga nai' ri pattongko'na ballaka. Nampa nasungke ke'nanga pattongko' niaka irateanganna Isa. Le'baki anjo naoloro'mi ke'nanga naung anjo tau pesoka siagang tappere'na.

YEREMIA 19:13

Sikontu balla' niaka ri Yerusalem siagang sikontu balla' karaenga ri Yehuda lanipa'jari rantasaki sangkamma Tofet; lanri irate ri tompo'na sikamma anjo ballaka le'ba'mi taua attunu dupa untu' rewata-rewata ri langi', siagang assare koro'bang anggoro' untu' rewata-rewata maraeng.”

YESAYA 22:1

Iaminne pappasang ri passala'na Ka'bung Paccinika: He, pandudu'na Yerusalem, angngapa nunai' ngaseng ri pattongko' ballaka?

2 SAMUEL 11:2

Ri se'reang karueng, ambangung tinrona Daud, a'jappa-jappai irate ri pattongko' lappara'na balla' kakaraenganga. Battu anjoreng nia'mo sitau baine sitabang a'je'ne', na teai sipato' ga'gana anjo bainea.

1 TESALONIKA 5:22

Pakabellai kalennu battu ri sangka' rupaya kaja'dallang.

LAMPA-LAMPANA 10:9

Ammukona alloa, lalang a'jappana ija anjo tunisuroa siagang a'biringamo battu mange ri Yope, nai'mi Petrus ri ballaka ero' appala' doang.

MATIUS 10:27

Apa-apa Kupabattua ri kau lalang ri sassanga, musti nupabattu poleangi lalang ri singara'na alloa. Siagang apa-apa nipa'bicikanga ri tolinnu, pa'la'bangi sa'genna ri kere-keremae!

KALAPPASSANG 22:6

Inai-nai apparinra pepe' ri kokonna nampa a'la'ba' anjo pepeka mae ri kokonna tau maraenga siagang nakanre gandunna taua sa'genna la'busu', baji gandung attimboa yareka kawarrang le'baka nikatto, anjo tau apparinraya pepe' musti a'bayaraki sambe karugiang.

YEHEZKIEL 3:20

Punna nia' se're tau baji' appakkaramula a'gau' dosa, nampa Kupasidallekangi siagang bahaya, lamatei punna tena nupakaingaki. Lamatei lanri dosa-dosana, siagang sikamma panggaukang baji'na tena nalaKuu'rangi. Mingka tanggong jawa'na ri anjo kamateanna laKutuntuki battu ri kau.

YEHEZKIEL 3:18

Punna Kupauangko angkana nia' se're tau ja'dala' lamate, mingka tena nupakaingaki sollanna napinra panggaukanna sollanna salama', lamatei salaku tau doraka, nampa tanggong jawa'na anjo kamateanna lanituntuki battu ri kau.

FILIPI 1:10

sollanna akkulle nuasseng ampilei apa kaminang bajika natangkasa' katallassannu battu ri kakodianga siagang battu ri tuduhang apa-apa mamo punna narapi' sallang allo kabattuanNa ammotere' Almasi.

1 KORINTUS 10:32

Bajikimi batenu attallasa', sollanna tena napassabakkang ikau na'gau' dosa tau maraenga; baji' na tu Yahudi yareka bansa maraenga, yareka anggota jama'aNa Allata'ala.

ROMA 14:13

Lanri kammana, takkulleaki' massing sisalakang. Mingka usahakangi natena nugaukangi apa-apa akkullea ampasala oloangi sari'battang julu tappa'nu, sa'genna doraka.

PAOLE 22:7

Akkullei nualle ana'na anjo jangang-janganga, mingka lappassangi nanri'ba' anronna, sollanna la'bu umuru'nu siagang salewangang ri tallasa'nu.

PAOLE 22:9

Teako a'lamungi lamung-lamungang maraeng ri koko anggoro'nu pantaranganna poko' anggoroka. Punna kamma nulamunginna, takkulleai nuallei wassele'na anjo kokoa, baji' na anggoro', kammayatompa lamungang maraengannaya.

1 SAMUEL 9:25

Le'baki anjo naummi ke'nanga battu ri tampa' passambayanganga nampa antama' ri kotaya. Nisaremi Saul katinroang irate ri pattongko'na ballaka,