PAOLE 21:4 - KITTA' MATANGKASA'

⁴ Anjo sapia musti naerangi ke'nanga mange ri tampa' ambania ri binangaya ia tenaya nale'ba' kalotoro' siagang tenayapa nale'ba' nipa'jeko yareka nilamungi buttana. Anjoreng musti natepoki ke'nanga kallonna anjo sapia.

PAOLE 21:4 Referans Kwoze

1 PETRUS 3:18

Nasaba' le'ba'mi sikali mate Almasi untu' satunggu-tungguna passabakkang dosana rupataua; Ia tena salanna mingka matemi untu' tau salaya. Nagaukammi Almasi kammaya anjo sollannu akkulle Narurungang ngaseng mae ri Allata'ala. Nibunomi tubuNa, mingka nipattallasa' poleammi ammotere' katallassang rohaniNa.

PAOLE 21:3

Nampa sikamma tau-tau toana anjo kota kaminang a'reppeseka, musti ammilei sikayu sapi rungka ia tenayapa nale'ba' nipake anjama.

PAOLE 21:5

Sikamma imang tu Lewia musti a'lampa tongi mange anjoreng ri tampaka, lanri musti assarei ke'nanga kaputusang lalang sikamma parkara katerassanga. Nipilei ke'nanga ri Karaeng Allata'alanu untu' ampare' atai kalenna mae ri Batara, siagang ampabattui kana-kana barakkaka lalang arenNa Batara.

1 SAMUEL 6:7

Lanri kammana, appasadia mako se're karoba beru siagang ruang kayu sapi appasusua, ia tenayapa nale'ba' nipake a'beso' karoba. Patabami anjo sapi ruaya mae ri karobaya, nampa nubongka ammotere' ana'-ana'na anjo sapia antama' ri barana.

YEHEZKIEL 36:9

Kuagangngangko he Israel, siagang Kupattantui angkanaya lanibingkungi ammotere' buttanu siagang lanikiori bine.