PAOLE 21:20 - KITTA' MATANGKASA'

²⁰ Musti nakana ke'nanga mae ri sikamma tau-tau toana anjo kotaya, ‘Anne ana'na ikambe kapala batui, nangai angngewaya siagang taerokai mannuruki ri kambe; nangai appa'labo-laboa doe' siagang nangai angnginunga inungang terasa' sa'genna nasa'ring.’

PAOLE 21:20 Referans Kwoze

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

PANGNGEBARANG 29:17

Ajaraki ana'nu, nanasareko kasannangngang, siagang a'jari panynyaleori ri kau.

PANGNGEBARANG 19:26

Ana' assessayai siagang ambongkayai tau toana, iami ana' appakasiri' siagang nicalla.

PAOLE 21:19

Anjo tau toana musti naerangi anjo ana' kammaya mae ri sikamma tau-tau toana anjo kota napammantangngia ke'nanga sollanna niadeli anjo anaka.

PAOLE 21:21

Nampa tu bura'ne niaka ri anjo kotaya musti nasambilai anjo anaka siagang batu sa'genna mate. Kammaminjo caranu ampaccappuki kaja'dallang kammaya anjo. Sikamma tu Israelka lanalangngereki kabara'na anjo kajarianga siagang a'jari malla'mi.”

2 SAMUEL 18:17

Nampa niangka' maya'na Absalom siagang nipasambila antama' ri bungung lantanga lalang romang. Anjo bungunga natambungi ke'nanga siagang batu sa'genna tinggi. Sikontu pasukang Israel massing naerammi kalenna lari mange ri balla'na.