PAOLE 21:15 - KITTA' MATANGKASA'

¹⁵ “Ebara' angkana nia' tau rua bainenna. Rua-ruai allassukang ana' bura'ne, mingka ana' lassu' rioloa teai ana' battu ri baine nakamaseanna anjo taua.

PAOLE 21:15 Referans Kwoze

PA'JARIANG 29:33

Nampa attianammo pole Lea siagang allassukammi sitau ana' bura'ne. Nakanamo Lea, “Nasareamma' pole Batara anne anaka lanri nalangngere'na angkana tena ningaia'.” Nampa naaremmo anjo anaka Simeon.

PA'JARIANG 29:20

Jari anjamami Yakub tuju taung sallona untu' anggappai Rahel. Nallallomo anjo taung-taunga sanrapang pirangalloji bawang ri pakkasia'na Yakub lanri sanna' mangngaina ri anjo tuloloa.

PA'JARIANG 29:18

Yakub tu'guru'mi pangngainna mae ri Rahel. Jari appialimi ri Laban angkana, “Erokka' anjama ri katte tuju taung sallona purina, punna kikellaia' a'bunting siagang Rahel.”

PAOLE 21:16

Punna ero' anjo taua ampattantui antekamma batena lambagei pa'barang-barangnganna mae ri ana'-ana'na, takkulleai battala' siali mae ri ana' battua ri baine nakamaseanna nanasare anjo anaka bageang siratannaya musti nipassareangi mae ri ana' toaya.

1 SAMUEL 1:2

Elkana nia' rua bainenna, iamintu Hana siagang Penina. Penina nia' ana'na, mingka Hana tena.

2 PATTOTTORANG 11:22

Lanri kammanami anjo na Abia ana'na Maakha kaminang nangai na ana' maraengannaya, sa'genna iaminjo Abia napilei untu' ansambeangi a'jari karaeng.