PAOLE 21:12 - KITTA' MATANGKASA'

¹² Erangi anjo bainea mae ri balla'nu. Anjoreng ri balla'nu musti nagoncingi uu'na siagang nato'baki kanukunna,

PAOLE 21:12 Referans Kwoze

EFESUS 4:22

Lanri kammana, pela'mi anjo sipa'-sipa' rupatau allalonu, nipanrakia ri kaerokang appa'lingu-lingua.

1 KORINTUS 11:6

Nasaba' punna nia' tu baine taeroka a'bongong, bajikangangi punna nicukkuru' ulunna yareka nigoncing uu'na, sollanna a'jari pammatei angkanaya nihinai anjo tu bainea. Jari bajikangangi punna a'bongongi.

PAMMILANGNGANG 6:9

Punna a'jari ra'masa' uu'na tau le'baka nisa'la' lanri nia'na a'reppese' ri tau mate silalonnaya, musti attayangi tuju allo sallona; punna le'baki anjo musti nacukkuruki uu'na siagang janggo'na, nampami a'jari tangkasa'.

KAIMANGNGANG 14:9

Ri makatujuna alloa musti nacukkuru' ngasengi uu'na, janggo'na, bulu matanna siagang sikontu bulu-bulu niaka ri kalenna. Nampa nassasa pakeanna siagang a'je'neki. Punna le'ba'mo anjo nampami tangkasa'.

1 KORINTUS 11:5

Siagang punna tena na'bongong tu bai'-bainea ri wattunna appala' doang yareka ri wattunna napabattu biritta battua ri Allata'ala ri dallekanna tu jaia, nahinami tu bura'-bura'nena a'jari kapalaya mae ri kalenna. Punna kamma anjo, sanrapangi le'baka nicukkuru' ulunna anjo bainea.

KAIMANGNGANG 14:8

Nampa anjo jangang-jangang attallasaka ija musti nalappassangi ri paranga. Nampa anjo taua musti nasassai pakeanna, nacukkuru' ngasengi uu'na, siagang a'je'neki. Jari tangkasa'mi anjo taua siagang akkullemi antama' ri pakkemaanga, mingka lalanna tuju alloa pole takkulleapi antama' ri kema kalenna.

PAOLE 21:11

nakulle kapang nia' ri anjo ke'nanga baine ga'ga na nungai siagang erokko ambaineangi.