PAOLE 20:6 - KITTA' MATANGKASA'

⁶ Niakka ri kau beru a'lamung anggoro' ri kokonna nampa tenapa nasawe angngallei rapponna anggoro'na? Punna nia', akkullei ammotere'. Saba' punna matei lalang pa'bundukang, tau maraeng langkabajikangi anjo je'ne' anggoro'na.

PAOLE 20:6 Referans Kwoze

ZEFANYA 1:13

Lanirampasaki barang-baranna ke'nanga siagang laniancuruki sikamma balla'na. Lambangungi ke'nanga balla', mingka takkulleai napammantangngi. Lappareki ke'nanga koko anggoro' mingka takkulleai nainung je'ne' anggoro'na.”

YEREMIA 31:5

Lapparekko koko anggoro' ri moncong-monconna Samaria, siagang ia a'lamunga lanagappai rapponna.

1 KORINTUS 9:7

Tenanniakka tantara angngongkosi kale-kalei kalenna lalang ri tugasa'na! Tenanniakka tau a'lamung apa-apa natanakanrea anjo wassele' lamung-lamunna! Tenanniakka tau akkatuo sapi natakkullea nainung dadi' battua ri anjo sapi nakatuoa!

PAOLE 20:5

Nampa sikamma komandanga musti napabattu anne kana-kanaya mae ri sikamma tantaraya, ‘Niakka ri kau beru ambangung balla', mingka tenapa nappare' upacara kasukkurang? Punna nia', akkullei ammotere'. Saba' punna matei lalang pa'bundukang, tau maraeng lampammantangngi anjo ballaka.

PAOLE 20:7

Niakka ri kau tau le'ba' assuro untu' a'bunting? Punna nia', akkullei ammotere'. Nasaba' punna matei lalang pa'bundukang, tau maraeng lambuntingi anjo tau napassuroia.’