PAOLE 2:36 - KITTA' MATANGKASA'

³⁶ Lanri pannulunNa Karaeng Allata'alata, akkullei nialle ngaseng sikontu kotaya, appakkaramula battu ri Aroër, ri cappa' Ka'bung Arnon, siagang kota niaka ri tangngana anjo ka'bunga, sa'genna mange ri daera Gilead. Tena kota majarre' dudu tembo' pattahanganna nidallekang.

PAOLE 2:36 Referans Kwoze

YOSUA 13:9

Daerana ke'nanga iamintu antamaya Aroër (ri birinna Ka'bung Binanga Arnon), siagang kota niaka ri tangnga-tangngana anjo ka'bunga. Kammayatompa sikontu daera lappara' tinggia battu ri Medeba sa'genna mange ri Dibon

PAOLE 4:48

Anjo buttaya tampa'na iamintu battu ri kota Aroër ri birinna Binanga Arnon, tulusu' wara' sa'genna Moncong Hermon,

PAOLE 3:12

“Ri wattunna nikammaimo anjo buttaya, kupassareammi ri Ruben siagang mae ri Gad daera warakkanna kota Aroër ri ampi'na Binanga Arnon, siagang sipa'gang battu ri daera monconna Gilead kammayatompa kota-kotana.

PAMMUJI 44:3

IKatte kalenTa ambongkai bansa-bansaya sollanna ammantang ummatTa ri pa'rasanganna ke'nanga. Bansa-bansa maraenga Kicilakai, mingka ummatTa Kilappassang a'bakka'-bakka'.

ROMA 8:31

Apamo lanikana kamma-kamma anne ri passala' kammaya ngaseng anjo? Punna Narurungangki' Allata'ala, maka inai akkulle angngewaki'?

YEREMIA 48:19

Ikau niaka ammantang ri Aroër, ammentengko ri birinna aganga siagang parhatikangi! Pakkuta'nangngangi mae ri ke'nanga laria, siagang ta'lappasaka, angkana, ‘Apa le'ba' kajariang?’

YESAYA 17:2

Lanibokoimi kota-kota niaka ri Siria sa'genna satunggu-tungguna, siagang la'jari mami pammantangngang olo'-olo'; tena manna sitau lambongkai ke'nanga.

YOSUA 13:16

Daerana ke'nanga iamintu Aroër (ri birinna Ka'bung Binanga Arnon) siagang kota niaka ri tangnga-tangngana anjo ka'bunga sa'genna mange ri anjo daera lappara' tinggia, ri tammulilina Medeba;

YOSUA 12:2

Se'reanga niarengi Sihon, karaeng Amori ammantanga ri Hesybon. Daera kakoasanna iamintu bageruanna daera Gilead: iamintu daera Aroër (ri birinna Ka'bung Arnon) siagang kota niaka ri tangnga-tangngana anjo ka'bunga sa'genna Binanga Yabok ri pa'baeng-baenna daera bansa Amon;

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

KALAPPASSANG 23:31

Sikamma pa'baeng-baenna pa'rasangannu laKupattantui battu ri Tamparang Akaba sa'genna mae ri Binanga Efrat, kammayatompa battu ri Tamparang Tangngaya sa'genna mae ri parang lompoa. LaKusareko koasa mae ri pandudu'na anjo pa'rasanganga, sa'genna akkulle nubongka ke'nanga ri wattunnu maju untu' angngallei anjo buttaya.

PAMMILANGNGANG 32:34

Nabangummi suku Gad iamintu kota Dibon, Atarot, Aroër,

HAKING-HAKING 11:22

Naempoimi ke'nanga anjo daera Amori appakkaramula battu ri Arnon bageang timboro', sa'genna bageang wara'na Binanga Yabok, kammayatompa appakkaramula battu ri parang kassika bageang iraya, sa'genna mae ri Binanga Yordan bageang ilau'.

HAKING-HAKING 11:26

Tallum bilangngang taung sallona tu Israel angngempoi Hesybon, Aroër siagang sikamma desa-desa niaka ri tammulilina, kammayatompa sikontu kota niaka ri birinna Binanga Arnon. Angngapa nasiapa sallona anjo tanuallea ammotere'?

2 SAMUEL 24:5

Le'baki a'limbang ri Binanga Yordan, akkemami Yoab siagang ana' buana ri timboranna Aroër, iamintu se'rea kota niaka ri tangnga-tangngana ka'bung daera Gad. Battu anjorengi ke'nanga nampa a'lampa wara', mange ri Yaezer,

2 KARAENG-KARAENG 10:33

niaka ri bageang rayanganna Binanga Yordan sa'genna timboro' ri kota Aroër ri ampi'na Binanga Arnon, antama' tommi daera Gilead siagang Basan, tampa' pammantanganna suku Gad, Ruben siagang Manasye bageang raya.

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.