PAOLE 2:14 - KITTA' MATANGKASA'

¹⁴ Anjo kajariangi ri wattunna tallumpulo assagantuju taung le'ba'namo nibokoi Kades-Barnea. Sikontu tantaraya ri anjo silapisika turungang mate ngasemmi sangkamma Nakananga Batara.

PAOLE 2:14 Referans Kwoze

YEHEZKIEL 20:15

Anjoreng tomminjo ri parang kassika Kuancang bansa Israel angkanaya tena nalaKuerang ke'nanga antama' ri butta le'baka Kupasadiangi ke'nanga, iamintu butta kalumanynyang siagang coppong, kammayatompa kaminang bajika ri sikontu linoa.

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

PAMMUJI 106:26

Jari assumpami Na'janji angkana laNabunoi ke'nanga ri parang lompoa.

PAOLE 1:19

“Nampa situru' parentaNa Karaeng Allata'alata, nibokoimi Moncong Sinai nampa a'jappaki' ri parang lompoa siagang sannaka heba'na mange ri daera monconna tu Amori. Ri wattunta battu mange ri Kades-Barnea,

PAOLE 1:2

Punna battu ri Moncong Sinai sa'genna mange ri Kades-Barnea ammalo ri daera monconna Edom, sampulo asse're allonna nijappai.)

PAMMILANGNGANG 13:26

siagang assaremi laporang mae ri Musa, Harun siagang sikontu umma' Israel ia sitabanga nia' asse're ri Kades, ri parang lompo Paran. Nacaritami ke'nanga apa le'baka nacini' siagang napaccinikammi anjo rappo-rappoang naeranga ke'nanga.

YUDAS 1:5

Yangasenna anjo nuasseng ngasemmi. Mingka, erokko kupakainga' ri passala' antekamma bateNa Batara ampasalamaki umma' Israel battu ri butta Mesir; mingka ribokoanganna Nabunoi sikamma tau tenaya natappa' ri alla'na ke'nanga.

1 KORINTUS 10:5

Mingka manna nakamma mamo, jaiangangi ri ke'nanga taningaia ri Allata'ala; iaminjo saba'na nasanna' jaina maya'na ke'nanga attambung ri parang lompoa.

PAMMUJI 90:9

Bodoi tallasa'na ikambe lanri kalarroanTa, le'baki taung-taung katallassanna ikambe sanrapang sipa'maikang nappasa'.

PAMMUJI 90:3

Kisuroi rupataua ammotere' mange ri assala'na, a'jari limbu'bu' butta sangkamma riolo.

PAOLE 1:46

“Le'baki anjo ammantang maki' ri Kades teai sipato' sallona.

PAOLE 2:7

U'rangi antekamma bateNa Karaeng Allata'alanu le'ba' ambarakkakiko lalang sikontu apa nugaukanga. Naparakaiko siapa sallonu lalang ri pa'la'bakkannu a'jappa ri anne parang lompoa. Nala'langngiko lalang anne patampulo taunga siagang Nasareko sikontu apa nuparalluanga.

PAOLE 2:13

“Nampa a'limbangki' ri Binanga Zered situru' parentaNa Batara mae ri katte.

PAOLE 2:16

Matena ngasemmo ke'nanga,

YOSUA 5:4

Ri wattunna assulu' tu Israel battu ri Mesir, sikontu tu bura'nea le'ba' ngasemmi nisunna'. Mingka ri wattunna a'lampa ke'nanga alla'bang ri parang kassika patampulo taung sallona, manna sitau ana'-ana' bura'nea tania' nisunna'. Na ri wattunna kala'busanna anjo wattu patampuloa taung, sikamma tu bura'ne umuru' akkulleamo a'jari tantara ri wattunna assulu' ke'nanga battu ri butta Mesir, mate ngasemmi, lanri tenana namannuruki ri parentaNa Batara. Jari situru' sumpaNa Batara, tena Nanipa'biangi ke'nanga anciniki anjo pa'rasangang kalumanynyanga siagang butta coppong Napa'janjianga Batara mae ri boe-boena ke'nanga.

YOSUA 24:7

akkio'mi ke'nanga appala' tulung mae ri Nakke. Jari Kupa'jari sassammi tampa' ansimbangai ke'nanga siagang tu Mesir, siagang Kutambungi je'ne' tamparang anjo tu Mesirka sa'genna mate tallang ngaseng. Nuasseng ngasemmi sikontu apa Kugaukanga mae ri Mesir. Sallo sikaliko ammantang ri parang kassika.

PAMMUJI 90:15

Kisarei kate'neang ikambe sangkamma jaina pa'risika ia le'baka nakasia' lalang taung-taung ballasa'na ikambe.

PAMMILANGNGANG 1:1

Ri tanggala' se're bulang rua lalang taung makarua nabokoinamo bansa Israel butta Mesir, a'bicarami Batara mae ri Musa lalang ri KemaNa Batara ri parang lompona Sinai. Nakana,