PAOLE 18:16 - KITTA' MATANGKASA'

¹⁶ Ri wattunnu asse're ri Moncong Sinai, nupalaki sollanna tenamo nanulangngereki Karaeng Allata'alanu a'bicara mae ri kau, siagang tenamo nanuciniki pole kahaderanNa lalang ri pepe' a'rinra-rinraya, lanri mallakko mate.

PAOLE 18:16 Referans Kwoze

KALAPPASSANG 20:19

Nakanamo ke'nanga ri Musa, “Ikaumo a'bicara mae ri kambe, nalanapilangngeri ikambe. Teami na Allata'ala a'bicara mae ri kambe, gassingka mateji ikambe.”

PAOLE 9:10

Nampa Nasarea' Batara rua batu le'baka Natulisi' Allata'ala KalenNa. Natulisiki ri anjo batua kana-kana Napabattua mae ri kau battu lalang ri tangnga-tangngana pepeka mae ri kau, ri wattunnu asse're ri bangkenna monconga.

IBRANI 12:19

andallekangi ke'nanga sa'ra tarompe', siagang sa'ra teai sipatoka heba'na. Ri wattunna nalangngere' anjo sa'raya, napala' dudumi ke'nanga sollanna tenamo na'bicara pole anjo sa'ra-sa'raya mae ri ke'nanga.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

PAOLE 10:4

Natulisi'mi Batara ri anjo batua Sampuloa ParentaNa sangkamma anjo rioloa, iamintu parenta-parenta Napassareanga mae ri kau, ri wattunna a'bicara battu lalang ri tangnga-tangngana pepeka ri wattunnu asse're ri bangkenna monconga. Le'baki anjo Napassareammi Batara anjo batu le'baka Natulisi' KalenNa, mae ri nakke.

PAOLE 1:6

“Ri wattunta nia' ri Moncong Sinai, Nakana Karaeng Allata'alata, ‘Sallo-sallo mako ammantang ri anne monconga.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.