PAOLE 16:8 - KITTA' MATANGKASA'

⁸ Lalang annang allo ribokoanganna, musti angnganreko roti tenaya nammake pa'gambang. Ri makatujuna alloa musti asse're ngasengko untu' anynyomba ri Karaeng Allata'alanu. Teako anjamai anjo alloa.”

PAOLE 16:8 Referans Kwoze

YO"EL 1:14

Parentakangi umma'nu untu' appuasa, pappiassengangi passibuntulang lompoa! Kioki sikamma pamimpinga siagang tutoa-toaya, kammayatompa sikontu pandudu'na Yehuda, sollanna battu mae ri Balla'Na Allata'ala, untu' akkio' appala' tulung mae ri Ia.

2 PATTOTTORANG 7:9

Tuju alloi ke'nanga a'rappung untu' upacara niresmikanna tampa' pakkoro'bangnganNa Batara, nampa tuju allo pole untu' ansuarri Allo Lompo Pa'ballakang Leko'-lekoka. Ri allo kala'busanna nigaukammi kasuarrang pannongko'na anjo upacaraya,

NEHEMIA 8:18

Tuju alloi sallona ke'nanga assua'-suara'. Allo-allona nabacai Ezra bageang-bageang niaka lalang ri anjo kitta' HukkunNa Allata'ala. Ri allo makasagantuju appare'mi acara untu' antongkoki anjo passua'-suarranna ke'nanga, situru' paratorang Hukkunga.

PAMMILANGNGANG 28:25

Ri allo makatujua musti asse're ngasengko untu' anggaukangi ibadaya siagang takkulleai nugaukang jama-jamang battalaka.