PAOLE 15:9 - KITTA' MATANGKASA'

⁹ Teako appareki alasang angkanaya a'reppese'mi taung kalappassanna inranga, sa'genna tena nuero' ansarei angnginrang. Teako lappassangngi anjo pikkirang ja'dala' kammaya antama' ri pikkirannu. Punna tanusarea angnginrang, anjo taua lakkioki mae ri Batara ampabattui anjo passalaka, nampa ikau lanisalakang.

PAOLE 15:9 Referans Kwoze

PAOLE 24:15

Tunggala' allo ri wattu tenanapa nalabu alloa, musti nubayaraki gajina untu' anjo alloa; narannuangi anjo doeka lanri naparallukangi. Punna tena nubayaraki gajina, lakkioki mae ri Batara untu' appala' tulung passabakkang ikau, siagang ikau lanisalakang.

MATIUS 20:15

Apa takkullea' angngatoroki pa'barang-barangangku situru' apa nakaerokia nyawaku? Yareka assereatiko lanri lammoro' pa'maikka'?’ ”

YAKOBUS 5:9

Teako ta'liwakki larronu siagang teako sisalakangi, sollanna tena Nahukkungko Allata'ala. U'rangi! A'reppese'mi hakinga! A'birimmi battu!

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

KALAPPASSANG 22:23

Punna ja'dalakko mae ri ke'nanga, iNakke, Batara lampilangngeri punna akkio' ke'nanga appala' tulung mae ri Nakke.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

MATIUS 15:19

Nasaba' battu lalammi ri atia ammumba pikkirang-pikkirang ja'dalaka, a'jaria saba' nammuno taua, a'gau' salimara', a'gau' bawang, a'lukka', siagang appitina.

PANGNGEBARANG 28:22

Tau angngoaya eroki linta' kalumanynyang; tanaassengai kalenna angkana tasalloai nakakasi-asiang antujui.

PANGNGEBARANG 23:6

Teako sipangnganreangi siagang tau gi'gilika. Teako eroki ri kanre nyamanna.

AYUB 34:28

Ke'nanga passabakkang nakkunrareng tu kasi-asia, karru'na ke'nanga nilangngereki ri Allata'ala.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

1 PETRUS 4:9

Paralluko massing sitoana baji' ri balla'nu, siagang teako akkunrarengi.

YAKOBUS 4:17

Lanri kammana, inai-nai angngassengi apa bajika, nanaasseng angkanaya musti nagaukangi anjo apa bajika mingka tena nagaukangi, anjo taua dorakami.

YAKOBUS 4:5

Teako kapangngi angkanaya tena saba'na punna nakana Kittaka, “Ilalang ri kalenta nia' Naboli' Allata'ala Roh sannaka terasa'na cinnana.”

PANGNGEBARANG 24:9

Tunggala' akkala'na tau toloa iamintu dosa. Tau tuli accallaya ri paranna tau, tena ningai ri yangasenna taua.

PANGNGEBARANG 21:13

Inai taeroka mappilangngeri ri kunrarenna tau kakuranganga, tena todong nalaniparhatikang punna appala' tulung.

PANGNGEBARANG 4:23

Katutui bajiki atinnu, nasaba' atinnu ampattantui oloang tallasa'nu.

PAMMUJI 9:12

Pujimi Batara ammarentaya ri Sion! Caritai bate pare'Na mae ri bansa-bansaya!

PAOLE 15:1

“Ri kala'busanna tunggala' taung makatujua musti nugaukangi nikanaya kalappassang pappinrang.

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 101:3

tena nalakubalang parekang kaja'dallanga. Kukabirisi panggaukanna tau ta'gilinga, siagang tena kuero' siurusu' siagang ke'nanga.

KALAPPASSANG 22:22

Teako bawang-bawangngangi jandaya yareka ana' kukanga.

PAOLE 31:10

Naparentakangi mae ri ke'nanga angkana, “Ri kala'busanna tunggala' taung makatujua, lalang taung nipa'jari lappasa'na sikamma inranga ri allo Lompo Pa'ballakkang Leko'-leko' Kayua,

PANGNGEBARANG 14:21

Inai-nai anghinai paranna tau, a'gau' dosai; inai-nai baji' pa'mai' ri tau kasi-asia, lamate'nei.

YEREMIA 34:14

Kukana, sikontu ata tu Ibrani le'bakamo allayani annang taung sallona, musti nipakabebasaki ri kala'busanna taung makatujua. Mingka taerokai boe-boenu amparhatikangi yareka ampilangngeri anjo apa Kupaua.