PAOLE 15:20 - KITTA' MATANGKASA'

²⁰ Tunggala' taung ikau siagang sikontu kaluarganu musti nukanrei dagenna ri dallekanNa Karaeng Allata'ala, ri tampa' ibada Napattantua.

PAOLE 15:20 Referans Kwoze

PAOLE 14:23

Ri dallekanNa Karaeng Allata'alanu, ri tampa' le'baka Napile, untu' tampa' panynyombang musti nukanrei passare bage sampulona gandunnu, je'ne' anggoro'nu, minynya' zaitunnu, kammayatompa ana' sapi, ana' gimbala' siagang ana' bembenu bungasa' lassuka. Gaukangi anjo kammaya sollannu tuli akkulle appilajara' ampakala'biriki Karaeng Allata'alanu satunggu-tungguna.

PAOLE 12:17

Ri tampa' pammantangngannu takkulleako angkanrei passare bage sampulona panggappannu battu ri gandunga, battu ri anggoro'nu, battu ri minynya' zaitunnu, battu ri sapinu, bembenu siagang gimbala'nu bungasa' lassuka, koro'bang pa'bayara' tinja'nu, koro'bang ero' kalennu yareka passare maraengannaya.

KAIMANGNGANG 7:15

Dagenna musti nikanre memang ri allo nipassareanna anjo olo'-oloka, manna sike'de' takkulleai niboli' sa'genna ammuko bari'basa'.

PAOLE 12:11

Nampa lammile Karaeng Allata'alanu se're tampa' untu' lanupake anynyomba mae ri Ia. Anjoreng mako musti a'lampa angngerangi sikontu apa kuparentakanga, iamintu koro'bang nitunua siagang sikamma koro'bang maraengannaya, koro'bang bage sampulona panggappannu siagang koro'bang nupa'janjianga mae ri Batara.

PAOLE 12:14

mingka musti anjorengko ri tampa' Napilea Batara. Anjoreng jako bawang musti ampassareangi koro'bang nitunua siagang anggaukangi anne apa kupassuroanga mae ri kau.