PAOLE 14:25 - KITTA' MATANGKASA'

²⁵ balukangi anjo bageang battua ri wassele' buttanu, nampa nuerang ballinna mange ri tampa' Napilea Karaeng Allata'alanu.

PAOLE 14:25 Referans Kwoze

PAOLE 14:24

Punna anjo tampa' Napilea Karaeng Allata'alanu bella dudui battu ri balla'nu, sa'genna takkullea nuerang mange anjoreng bage sampulona wassele' buttanu Napassareanga Karaeng Allata'alanu mae ri kau,

PAOLE 14:26

Balanjai anjo doeka untu' apa-apa nukaerokia, kammaya sapi, bembe yareka gimbala', je'ne' anggoro', yareka inungang terasa', nampa ri anjo tampaka, iamintu ri dallekanNa Karaeng Allata'alanu, ikau siagang kaluarganu musti angnganreko siagang ma'rannu-rannu ngasengko.

MARKUS 11:15

Battumi ke'nanga mange ri Yerusalem. Na'lampamo pole Isa mange ri Balla'Na Batara. Nabongka ngasemmi tau niaka a'balu'-balu' anjoreng. Nabulintakkang ngasemmi mejang-mejanna pasambe doeka, kammayatompa bangko-bangkona pabalu' jangang-jangang bodobangkenga.

LUKAS 19:45

Antama'mi Isa ri Balla'Na Batara, siagang Nabongkami sikamma padanggang niaka anjoreng.