PAOLE 14:22 - KITTA' MATANGKASA'

²² “Tunggala' taung musti nusa'laki bage sampulona sikontu wassele' buttanu.

PAOLE 14:22 Referans Kwoze

NEHEMIA 10:37

Lanaerangi ikambe mae ri imanga ri Balla'Na Batara ri Yerusalem gandung nileoka, ia uru niallea taung-taung, kammayatompa apa-apa nipassareang maraengannaya kammayami anggoro', minynya' zaitun siagang sikamma rappo-rappoanga. Passare bage sampuloa battu ri wassele' kokonna ikambe, lanaerangi ikambe mange ri tu Lewi, ia ampasse'reai anjo passare bage sampuloa ri kota-kotana pamarria.

PAOLE 12:17

Ri tampa' pammantangngannu takkulleako angkanrei passare bage sampulona panggappannu battu ri gandunga, battu ri anggoro'nu, battu ri minynya' zaitunnu, battu ri sapinu, bembenu siagang gimbala'nu bungasa' lassuka, koro'bang pa'bayara' tinja'nu, koro'bang ero' kalennu yareka passare maraengannaya.

PAOLE 12:6

Anjoremmi ri tampaka musti nuerang sikamma koro'bang nitunua siagang sikamma koro'bang maraenganga, passare bage sampulona panggappannu siagang passare maraengannaya, koro'bang pa'bayara' tinja'nu, koro'bang passare ero' kalennu, kammayatompa ana' sapi, ana' bembe, siagang ana' gimbala' bungasa' lassuka.

PAMMILANGNGANG 18:21

Nakana Batara mae ri Harun, “Sikontu passare bagesampulona tu Israel Kupassareangi mae ri tu Lewi. Iaminjo bageang warisi'na ke'nanga untu' jama-jamanna ke'nanga ri KemaKu.

PA'JARIANG 28:22

Nampa lakupassareang mae ri Batara bage sampulona sikontu apa Napassareanga Batara mae ri nakke. Anne batu pangngu'rangi kupaentenga la'jari tampa' panynyombang mange ri Batara.”

PAMMILANGNGANG 15:20

Punna attunuko roti battu ri gandung uru-uru nukattoa, anjo rotia musti nupassareangi a'jari koro'bang nisa'la' mae ri Batara. Carana ampassareangi sangkamma tonji carana ampassareangi gandung uru nugilinga.

MALEAKHI 3:10

Erang ngasengi bage sampulona panggappannu mange ri BallakKu sollanna nia' kanre alla'bi-la'bi anjoreng. So'riMa', nalanucini' angkanaya Kusungkei sikamma pakke'bu'na surugaya siagang Kupila'juiko kabajikang.

PA'JARIANG 47:24

Punna wattu pakkattoang, musti nupassareangi bage limanna wassele'na mae ri karaenga. La'binnaya akkullei nupake untu' a'jari bine siagang untu' nukanre siagang kaluarganu.”

PA'JARIANG 47:26

Nampa napa'jarimo Yusuf anjo passalaka undang-undang ri Mesir, iamintu angkanaya bage limanna wassele' pakkattoanga musti a'jari karaeng pata. Sa'genna kamma-kamma anne nipake iji anjo undang-undanga. Ia bawang sikamma tampa'na imang-imanga tena na'jari karaeng pata.

PAMMILANGNGANG 18:31

Anjo tassesaya akkullei nukanre ri kere-keremae siagang kaluarganu, salaku sawala'nu ri jama-jamanga lalang ri KemaNa Batara.

NEHEMIA 10:38

Mingka nia' sitau imang turungang battua ri Harun musti anrurungangi ke'nanga anjo tu Lewia, punna napasse're ke'nanga anjo sikamma passarea. Nabage sampulona anjo sikamma passarea musti nierangi ri tu Lewia mange ri kamara'-kamara' parsadiaanga ri Balla'Na Batara ri Yerusalem.