PAOLE 14:1 - KITTA' MATANGKASA'

¹ “Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

PAOLE 14:1 Referans Kwoze

GALATIA 3:26

Lanri tappa' mako mae ri Isa Almasi, a'jari se'remi tallasa'nu mae ri Ia; na lanri kammana, a'jari mako ana'-ana'Na Allata'ala.

ROMA 9:8

Battuang kana, sossoranna Abraham a'jaria ana'-ana'Na Allata'ala, iaji bawang sossorang nilassukanga lanri janjinNa Allata'ala; jari tena nasossoranna ngaseng.

KAIMANGNGANG 21:5

Se'rea imang takkulleai nagondolo' sipa'gang ulunna siagang takkulleai nacukkuru' janggo'na yareka naloko'-lokoki kalenna siagang bassi tarang lanri ero'na napappiassengang angkanaya natujui susa kamateang.

ROMA 9:26

Siagang kere-keremae tampa' nikanaya ri taua, ‘Teaiko ummakKu,’ anjoremmi taua laniareng ana'-ana'Na Allata'ala attallasaka.”

IBRANI 2:10

Memang siratang memang tongi Allata'ala – le'baka ampa'niaki sikontu apa-apaya situru' apa Nakaerokanga – ampa'jari Isa Pappasalama' sukkuka tete ri kasessanga. Lanri kammanami anjo nakkullemo jai tau Nakio' Allata'ala amminawang nipakalompo siagang Isa. Nasaba' Iami panynyungke oloang mae ri ke'nanga untu' akkulle nipasalama'.

ROMA 8:16

RohNa Allata'ala siagang rohna kalenta ampa'nassai angkanaya a'jari maki' ana'-ana'Na Allata'ala.

YOHANES 1:12

Mingka nia' todong tau antarimai na tappa' ri Ia, nisarei pangngellai a'jari ana'Na Allata'ala,

HOSEA 1:10

Bansa Israel la'jari sanrapangi kassika ri tamparanga jaina, sa'genna takkullea nibaku' yareka nirekeng. Kamma-kamma anne Nakana Allata'ala ri ke'nanga, “Ikau teaiko ummakKu,” mingka lanarapiki sallang wattunna nalaNakana ri ke'nanga, “INakkemi Allata'ala mattallasaka siagang ikaumi ana'-anakKu!”

YEREMIA 41:5

nia'mo tau sagantujupulo battu ri Sikhem, Silo, siagang Samaria. Le'baki nacukkuru' janggo'na ke'nanga, nakae-kae pakeanna, siagang nakere'-kere' kalenna ke'nanga. Angngerangi ke'nanga gandung siagang kamanynyang untu' napassareang ri Balla'Na Batara.

YEREMIA 16:6

Sikamma tau kalumanynyanga siagang tau kasi-asia ri anne pa'rasanganga lamatei natena tau antarawangi ke'nanga. Tena manna sitau lansessai kalenna yareka anggondoloki ulunna salaku pammatei ri kasusaanna ke'nanga.

1 YOHANES 3:10

Iaminne sisalana ana'-ana'Na Allata'ala siagang ana'-ana'na Billisika: inai-nai tena nagaukangi ero'Na Allata'ala, yareka tena nakamaseangi paranna tau, anjo taua teai ana'Na Allata'ala.

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

YOHANES 11:52

Siagang teai untu' bansa Yahudi bawang, passangalinna sollanna napa'rappungang siagang napasse're ana'-ana'Na Allata'ala tassia'-siaraka.

YEREMIA 3:19

Nakana Batara, “He Israel, erokKa' antarimako a'jari anakKu, siagang assareko pa'rasangang appakasannanga pa'mai', pa'rasangang kaminang bajika ri sikontu linoa. ErokKa' nukio' mangge, siagang tenamo nanula'lampa pole ampilariA'.

PA'JARIANG 6:4

Ri anjo jammanga siagang ri le'ba'na anjo, nia' tau sannaka lompona ngaseng kalenna ri lino. Anjo ke'nanga ana'-ana' battu ri sikamma anjo tulolo a'buntinga siagang rewata-rewataya. Anjo tau lompoa ngaseng kalenna masahoroki niasseng siagang iami pahlawang-pahlawang lompo ri jammang riolo.

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

1 YOHANES 5:2

Lalang kammanami anne nakkulle niasseng angkanaya nikamaseangi ana'-ana'Na Allata'ala, iamintu: mangngamaseangki' mae ri Allata'ala, siagang nipilangngeri sikamma parentaNa.

1 TESALONIKA 4:13

Sikamma sari'battangku; kikellaiko sollanna nuasseng antekamma sitojenna ri passala'na tau mateamo; sollanna tena nasi'na pa'mai'nu sangkamma tau maraenga, tenaya panrannuanna.

YEREMIA 47:5

Tu Gaza nitujui ri susa lompo; pandudu' Askelon a'jari rapangi tau pepe. Siapapi sallona tu Filistin tassesaya tulusu' lasi'na?

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

PAOLE 13:18

assala' nuturuki sikamma parentaNa kupabattua mae ri kau anne alloa, siagang nugaukang sikontu apa Nakaerokia.”

1 KARAENG-KARAENG 18:28

Pila' lompomi sa'ranna appala' doang anjo na'bi-na'bia. Siagang kamma biasaya nagaukang ke'nanga, nae'ba'-e'ba'mi kalenna ke'nanga siagang pa'dang yareka poke sa'genna ammatti'-matti'mo cera'na ke'nanga.

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”