PAOLE 13:15 - KITTA' MATANGKASA'

¹⁵ musti nibunoi sikontu pandudu'na anjo kotaya siagang sikamma olo'-olo'na. Anjo kotaya musti niancuru' taba sikali.

PAOLE 13:15 Referans Kwoze

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

KAIMANGNGANG 27:28

Tena manna sitau akkulle ambalukangi yareka ampasuluki apa le'baka nisa'la' mae ri Batara, baji' a'rupa taua kammayatompa a'rupa olo'-oloka yareka buttaya. Anjo kammaya a'jari Napatammi Batara sa'genna satunggu-tungguna.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

PAPPICINI' 17:16

Anjo sampuloa tanru' siagang anjo olo'-olo' nucinika labirisiki mae ri anjo pasundalaka. Lanarampasaki ke'nanga sikamma apa-apa niaka ri ia, siagang lanapa'jari assolaraki. Lanakanrei ke'nanga assinna siagang lanaancuruki siagang pepe'.

HAKING-HAKING 20:48

Nampa ammotere'mo pole tu Israel ambunduki na nabuno ngaseng sikontu anjo tu Benyamin niaka tassesa – bura'ne, baine, ana'-ana' siagang olo'-olo' nabuno ngaseng. Sikontu kota niaka ri anjo daeraya natunu kabusuki ke'nanga.

YOSUA 6:24

Nampa natunu tantara Israel sikontu anjo kotaya siagang sikontu apa-apa niaka lalang, pantaranganna barang-barang bulaenga, peraka, tambagaya siagang bassia. Anjo barang-barang kammaya naallei ke'nanga siagang naerangi mange ri tampa' pammolikang barang-baranNa Batara.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAOLE 2:34

Anjo memang wattua niallemi siagang niancuru'mi sikamma kotaya kammayatompa nibunomi sikontu pandudu'na, bura'ne, baine siagang ana'-ana'. Tena niboli' attallasa'.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

PAOLE 13:14

Punna nia' nulangngere' kabara'-kabara' kammaya anjo, musti nusalidiki siagang baji'. Punna memang kajariang tojeng-tojengi anjo kaja'dallanga,

PAOLE 17:4

Anjo passalaka musti nusalidiki baji'-baji'. Ebara' angkana anjo kaja'dallanga memang kajariang tojeng-tojengi ri Israel,

HAKING-HAKING 20:3

Lalanna anjo wattua nalangngere'mi suku Benyamin angkanaya niaki bansa Israel maraenga a'rappung ri Mizpa. Jari akkuta'nammi tu Israel mae ri anjo tu Lewi nibunoa baine piarana angkana, “Carita sai bedeng mae ri kambe antekamma kajarianna anjo gau' ja'dalaka!” Appialimi anjo tu Lewia angkana, “Inakke siagang baine piaraku assengka' ri Gibea, ri daerana tu Benyamin, nakua'bangngi anjoreng.

EZRA 10:16

Sikamma anjo tu le'baka nipela' siagang niakamo ammotere', akkalepumi nyawana ero' anggaukangi anjo rancanaya. Lanri kammana anjo, ammilemi Imang Ezra siapa are tau battu ri kapala-kapala golonganga, nampa nacata' arenna ke'nanga. Ri tanggala' se're bulang sampulo, assirapakkammi ke'nanga untu' ansalidiki anjo passalaka.