PAOLE 12:16 - KITTA' MATANGKASA'

¹⁶ Mingka cera'naji bawang takkullea nukanre, passangalinna musti nutumpai naung ri buttaya sangkamma je'ne'.

PAOLE 12:16 Referans Kwoze

PA'JARIANG 9:4

Tena ruanna takkullea nukanre, iamintu dageng niaka ija cera'na, nasaba' anjo nyawaya niaki lalang ri ceraka.

PAOLE 15:23

Cera'na takkulleai nukanre, mingka musti nutumpai naung ri buttaya sangkamma je'ne'.”

LAMPA-LAMPANA 15:29

teako angnganrei kanre le'baka nipassareang mae ri barhalaya; teako angnganrei cera', teako angnganrei olo'-olo' mate niaccekanga, siagang pakabellai kalennu ri gau'-gau' assalimaraka. Punna nupakabella ngasemmo kalennu ri apa-apa kammaya anjo, nugaukammi nikanaya kabajikang. Sikammamo anne, poro salama' ngasengko!”

1 TIMOTIUS 4:4

Sikontu apa-apa Napa'niaka Allata'ala sikontutojenna baji' ngasengi; tena manna sirupa akkulle niharangngang punna nitarimai siagang sukkuru' battu ri Allata'ala.

LAMPA-LAMPANA 15:20

Mingka musti apparekki' sura' mae ri ke'nanga, na nipakainga' ke'nanga sollanna tena nanakanre ke'nanga kanre ra'masaka, iamintu kanre le'baka nipassareang mae ri barhalaya; kammayatompa ceraka, yareka olo'-olo' mate niaccekanga. Kammayatompa napakabellai kalenna ke'nanga battu ri panggaukang assalimaraka.

KAIMANGNGANG 19:26

Teako angnganrei cera'. Teako ammakei pangngassengang baca-baca.

PAOLE 15:22

Tunggala' taua, baji' natangkasa' yareka ra'masaki, akkullei nakanre ri balla'na, sangkamma angnganre dageng jonga yareka dageng kijang.

1 SAMUEL 14:32

sa'genna a'rampasa'mi ke'nanga angngallei apa-apa nirampasaka battu ri musua. Angngallei ke'nanga gimbala' siagang sapi nampa napolong anjoreng memang ri tampaka, nampa nakanre memang dagenna niaka ija cera'na.

1 SAMUEL 14:33

Na nipauammo Saul anjo kammaya, angkana, “Karaeng, dorakami ra'yaka mae ri Batara, lanri angnganrei dageng siagang cera'na.” Ammarrammi Saul angkana, “Tau tena ngaseng pallangngere'nu! Anggulungko se're batu lompo mae anrinni.”

YEHEZKIEL 24:7

Anjoreng ri kotaya kajariangi pammunoanga, mingka cera'na tena nata'bene naung ri buttaya, passangalinna nai' ri batu terasaka, sa'genna takkullea nitambungi.

YEHEZKIEL 33:25

Lanri kammana Nasuroa' Batara Kaminang Tinggia ampabattui anne pasanNa mae ri ke'nanga angkana, “Angnganreko dageng niaka ija cera'na; nusombai barhalaya siagang nugaukangi ammunoa. Barani tojengko angngani anne buttaya angkana ikau pata.

KAIMANGNGANG 3:17

Tena sikali nakkulle tu Israel angnganre janna yareka cera'. Anne paratoranga tappakei sa'genna satunggu-tungguna siagang musti nituruki ri sikontu tu Israel manna pole kemae ammantang.