PAOLE 11:21 - KITTA' MATANGKASA'

²¹ Na ikau siagang ana'-ana'nu lanipakala'bui umuru'nu ri pa'rasangang Napa'janjianga Karaeng Allata'alanu mae ri boe-boenu. Lalang nia'na langika irateanna buttaya, kamma tomminjo sallonu lammantang ri anjo buttaya.

PAOLE 11:21 Referans Kwoze

PANGNGEBARANG 4:10

Pilangngeria' na'! Parhatikangi baji'-baji' sikamma pappakaingakku, nala'bu umuru'nu.

PANGNGEBARANG 3:2

sollanna la'bu umuru'nu siagang salewangang tallasa'nu.

PANGNGEBARANG 9:11

Kacara'dekanga lanasareko la'bu umuru'.

PAMMUJI 72:5

Poro tulusu' attahanna sa'genna sikontu turunganna lalang nia'na ija alloa siagang bulanga.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

PAPPICINI' 20:6

Maupaki sikamma tau nipattallasa' poleanga todong ri anjo wattu bungasaka. Iami ke'nanga siratang a'jari taunNa Allata'ala. Tenamo nakoasa kamateang makaruaya mae ri ke'nanga. La'jarimi ke'nanga imang-imanNa Allata'ala siagang imang-imanNa Almasi; na lammarentamo ke'nanga siagang Ia sa'genna sisa'bu taung sallona.

YESAYA 65:20

Tenamo ana'-ana'na lamate ca'di, na tau toaya lala'bui umuru'na. Tau sibilangngang taung umuru'na lanikanai tau rungka, na matea rioloanganna anjo lanikanai nataba hukkungangKu.

PANGNGEBARANG 3:16

Kacara'dekanga nasareko umuru' la'bu, kakalumanynyangngang siagang kala'birang.

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

PAOLE 6:2

Paralluko ikau siagang jari-jarinu ampakala'biriki karaeng Allata'alanu lalang sikontu tallasa'nu siagang nuturuki sikontu hukkung kupabattua mae ri kau, sollanna la'bu umuru'nu ri anjo pa'rasanganga. Lanri kammana anjo, pilangngeri

PAOLE 11:9

Siagang lattallasa' mako sisalloang ri pa'rasangang kalumanynyanga siagang copponga buttana, iamintu Napa'janjianga Batara mae ri boe-boenu siagang mae ri jari-jarina ke'nanga.

PAMMUJI 89:30

Kupartahangkangi empoang kala'biranna lalang nia'na ija langika irateanna buttaya, lanaempoi sikontu ana' cucunna.