PAOLE 10:22 - KITTA' MATANGKASA'

²² Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

PAOLE 10:22 Referans Kwoze

PA'JARIANG 46:27

Ana'-ana'na Yusuf, ia lassuka ri Mesir nia' rua tau, sa'genna sikontu kaluargana battua ri Mesir nia' tujupulo tau yangaseng.

KALAPPASSANG 1:5

Kabusu'na anjo turunganna Yakub, nia' tujupulo tau jaina. Yusuf, nia' memammi la'bi riolo ri Mesir.

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

NEHEMIA 9:23

Kipa'jari turunganna ke'nanga sanrapang bintoeng ri langi' jaina, Kisarei butta ke'nanga untu' napammantangngi, butta le'baka Kipa'janjiang ri boena ke'nanga.

PAOLE 28:62

Manna katambammo jainu sanrapang bintoenga ri langi', mingka sike'de' mami ri kau lammantang attallasa', lanri tenana numannuruki mae ri Karaeng Allata'alanu.

LAMPA-LAMPANA 7:14

Nampa appasang Yusuf mae ri manggena, iamintu Yakub, sollanna ero' a'lette' siagang sikontu bija-bijanna mae ri Mesir – yangasenna nia' tujupulo allima tau jaina.

PAMMILANGNGANG 26:51

Sikontu tu bura'ne niaka ri Israel iamintu 601.730 tau jaina.

IBRANI 11:12

Manna pole nakanamo tulamate duduamo kalenna Abraham anjo wattua, mingka battu ri iami ammumba jaia sossorang, tenaya nakkulle nibilang jaina – sanrapanga bintoeng ri langi' yareka kassi' ri biring tamparang jaina.

PAMMILANGNGANG 26:62

Tu bura'nea battu ri suku Lewi umuru' sibulanga siagang irateanganna nia' 23.000 tau jaina. Nisa'laki ke'nanga nidattara' battu ri julu bansana, lanri tena nanggappa ke'nanga butta pisaka ri Israel.

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PAOLE 26:5

Nampa, ri dallekanNa Batara, musti nupaui anne kana-kana kammaya: ‘O, Batara, anjo boe-boeku tau a'lampa battu ri Aram. Naerangi kaluargana mange ri Mesir untu' ammantang anjoreng, a'jari tau battu-battu. Ri wattunna a'lampa ke'nanga mange anjoreng, sike'de'ji bilanna ke'nanga, mingka ri boko a'jari bansa lompomi siagang bansa kassa'mi ke'nanga.

PA'JARIANG 46:26

Yangasenna turunganna Yakub a'lampaya mange ri Mesir iamintu annampulo angngannang jaina, tanirekengapi sikamma mintunna.

PAOLE 1:11

Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.