PAOLE 1:11 - KITTA' MATANGKASA'

¹¹ Dasi-dasi na Batara, Allata'alana boe-boenu tulusu' antambai jainu sa'genna a'lappi sisa'bu, kammayatompa Napa'jariko bansa akkalumanynyang sangkamma le'baka Napa'janjiang.

PAOLE 1:11 Referans Kwoze

PAMMUJI 115:14

Poro Napassareangi Batara jai ana' mae ri kau ngaseng siagang turungannu.

PA'JARIANG 22:17

laKubarakkakiko alla'bi-la'bi siagang laKupa'jari jai turungannu sanrapang bintoenga jaina ri langi' siagang sanrapang kassika jaina ri biring tamparanga. Sikamma ana'-cucunnu lanabeta ngasengi sikamma musunna ke'nanga.

PA'JARIANG 26:4

LaKusareko ana'-cucu sanrapang bintoenga ri langi' jaina, siagang sikontu anne daeraya laKupassareangi mae ri ke'nanga. Sikontu bansaya ri lino lappala' ngasengi ri kau sollanna Kubarakkaki ke'nanga sangkamma le'ba'na Kubarakkaki turungannu.

PAMMILANGNGANG 6:27

Siagang Nakana Batara, “Punna nasa'bu' ke'nanga arengKu salaku barakka' mae ri bansa Israel, iNakke lambarakkaki ke'nanga.”

2 SAMUEL 24:3

Mingka nakanamo Yoab ri karaenga, “Dasi-dasi nanipa'lappi-lappi jaina ra'ya' Israel ri Karaeng Allata'alata, sa'genna a'lappi sibilangngang jaina ri kamma-kammaya anne, kammayatompa dasi-dasi kittallasa' tongija anciniki ke'nanga. Mingka untu' apa nakiero' ansuro bilangi taua karaeng?”

PA'JARIANG 49:25

Allata'alana manggenu antulungko; Kaminang Koasaya ambarakkakiko siagang je'ne' bosi battu ri langi' na je'ne' battu rawa ri butta. Siagang ana' kammayatompa sapi,

PAMMILANGNGANG 22:12

Nakanamo Allata'ala ri Bileam, “Teako a'lampai siagang anjo taua, siagang teako tunrai anjo bansaya, nasaba' anjo ke'nanga le'baki Kubarakkaki.”

KALAPPASSANG 32:13

Kiu'rangi sikamma atanTa Abraham, Ishak siagang Yakub. Kiu'rangi angkanaya assumpaKi' a'janji untu' assarei ke'nanga jari-jari rapang bintoeng ri langi' jaina, kammayatompa angkanaya sikontu anjo butta Kipa'janjianga lanapatangi jari-jarina ke'nanga sa'genna satunggu-tungguna.”

PA'JARIANG 15:5

Nierammi Abram ri Batara assulukang, nampa Nakana Batara ri ia, “Ciniki langika, siagang coba sai nubilang sikamma bintoenga; lasangkammai anjo bintoenga jaina turungannu.”

1 PATTOTTORANG 21:3

Appialimi Yoab angkana, “Poro Napa'lappi-lappi Batara ra'ya' Israel sa'genna a'lappi sibilangngang jaina battu ri niaka ri kamma-kammaya anne. O karaeng, sai ma'nassami angkanaya tundu'mi ke'nanga mae ri katte? Angngapa namusti nisuro bilang taua? Gassingka sallang, lanri anne kasalanga nanakasia' kodina sikontu bansaya.”

PAOLE 1:8

INakke, Batara, le'ba' ampa'janjiangi sikontu anjo buttaya mae ri boe-boenu iamintu Abraham, Ishak siagang Yakub kammayatompa mae ri jari-jarina ke'nanga. Jari a'lampa mako mange ampammantangngi anjo buttaya.’ ”

PAOLE 1:10

lanri pila' Napa'jari jai mako Karaeng Allata'alanu, rapang bintoenga ri langika jaina.

PAOLE 1:12

Mingka antekamma bateku lakkulle kalengku ampisangi anne tanggung jawa' kammaya battala'na, untu' ampa'le'baki sikontu urusannu ngaseng.

PAOLE 10:22

Ri wattunna a'lampa boe-boenu mange ri Mesir, anjo jaina ke'nanga tuju puloji tau. Mingka Napa'jari jaimi Karaeng Allata'alanu anjo ke'nanga a'jari sanrapang bintoenga ri langika jaina.”

PAOLE 28:62

Manna katambammo jainu sanrapang bintoenga ri langi', mingka sike'de' mami ri kau lammantang attallasa', lanri tenana numannuruki mae ri Karaeng Allata'alanu.

YEHEZKIEL 16:7

AngngalleA' je'ne' nampa Kubissai ceraka ri kalennu. Kusossoroki bukkulennu siagang minynya' zaitun. Kupakalompoko sanrapang lamung-lamung copponga. Longkoroki pattimbonu, sehakko siagang tinggiko, siagang a'jariko rapang se're baine lolo. Appakkaramulai attimbo susunnu siagang la'bui uu'nu, mingka assolarakko. Ri wattungKu allalo poleang, Kucini'mi angkanaya narapi'mi wattunnu untu' a'bayuang. Kuka'rangi jubaKu mae ri kalennu assolaraka siagang Kupa'janjiammi pangngaingKu mae ri kau. Iyo, appare'Ma' kana passikko' janji angkanaya laKubuntingiko, siagang iNakke lampatangko. INakke, Batara Kaminang Tinggia, anne akkana.