PANGNGEBARANG 8:20 - KITTA' MATANGKASA'

²⁰ Amminawanga' ri oloang kaadelanga, a'dakka' ri agang kalambusanga.

PANGNGEBARANG 8:20 Referans Kwoze

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAMMUJI 32:8

Nakana Batara, “LaKupicinikiangko oloang mustia nuolo, laKurenrengko siagang laKupakaingakko.

YESAYA 2:3

nakana ngaseng ke'nanga, “Umba kinai' ri Bulu'Na Batara, ri Balla'Na Allata'alana Israel. LaNapangngajarrangi mae ri katte apa mustia nigaukang. Lanipinawangi oloanNa, saba' battu ri Yerusalem ajaranNa Batara, battu ri Sion A'bicara.”

PANGNGEBARANG 6:22

Ajarang-ajaranna ke'nanga langnguluko lalang pa'jappannu, anjagaiko ri wattu bangngi, siagang assareko pitunju' ri wattu ambangunnu.

PANGNGEBARANG 3:6

Angngu'rangiko mae ri Batara lalang sikontu apa nugaukanga, na Iami lampicinikiangko nikanaya carana attallasa' bajika.

PAPPICINI' 7:17

nasaba' anjo Ana' Gimbala' ammempoa ri tangnga-tangngana anjo empoang kala'biranga la'jari pakalawaki mae ri ke'nanga. Lanirurungangi ke'nanga mae ri timbuseng je'ne' assarea katallassang. Na Allata'ala lassapui sikamma je'ne' matanna ke'nanga.”

YOHANES 10:3

Lanisungkeangi timunganga ri pajagana anjo baraya; siagang punna nakioki massing arenna anjo gimbalaka, lanipinawangi sa'ranna, nampa naerang ke'nanga assulu'.

YESAYA 49:10

Tena nalaturere yareka cipuru' ke'nanga, siagang talanitujuai ri bambang allo ri parang lompoa. Saba' iNakke ansayangi ke'nanga, lanrurungangi ke'nanga, siagang langngerangi ke'nanga mange ri sikamma timbuseng je'neka.

PAMMUJI 23:3

Nasarea' kagassingang beru, kuNarenreng mange ri oloang annabaya, situru' siagang janjinNa.

YESAYA 55:4

Sikontutojenna, ia laKupa'jari pamimping siagang panglima, sa'bi kakoasangKu mae ri sikamma bansa-bansaya.

PANGNGEBARANG 2:9

Punna mannurukiko ri nakke ana', lanuassengi anjo apa nikanaya adele', lambusu', siagang baji'. Lanuasseng tongi angkana antekamma batenu nukkulle tulusu' attallasa'.

PANGNGEBARANG 8:19

Apa nugappaya battu ri nakke la'biangngangi na bulaeng ti'noka; la'bi lompoangngangi anggaranna na pera' ti'noka.

PANGNGEBARANG 8:21

Inai tau angkamaseanga', kupa'jari kalumanynyangi; kupirassi balla'na siagang barang-barang.

PANGNGEBARANG 2:20

Lanri kammana ana' pinawang laloi bate tallasa'na tau bajika, siagang attallasakko situru' ero'Na Allata'ala.