PANGNGEBARANG 6:9 - KITTA' MATANGKASA'

⁹ Sa'genna siapa sallona anjo tau malasaka latinro? Angngapapi nambangung?

PANGNGEBARANG 6:9 Referans Kwoze

EFESUS 5:14

Na sikontu apa nicini' bajika, a'jari singara'mi. Iaminjo saba'na nania' nikana, “Ambangungko ikau tau tinroa, ammentengko nai' battu ri kamateanga! Accayami singara'Na Almasi irateangannu.”

YEREMIA 4:14

Yerusalem, pelaki kaja'dallanga battu ri atinnu sollannu nipasalama'. Siapapi sallona anjo pikkirang-pikkirang ja'dalaka lanuboli' ri atinnu?

PAMMUJI 94:8

He bansaku, teako dongo' kammai anjo, appilajara' mako ampakei akkala'nu!

ROMA 13:11

Pantaranganna ngaseng anjo pole, nuassengi angkanaya iaminne ri wattu kamma-kammaya anne nusiratang ambangung battu ri tinronu. Nasaba' kamma-kamma anne pila' ambaniangammi wattunta lanipasalama', naia ri wattu beru appakkaramulata a'jari tappa'.

PANGNGEBARANG 1:22

“He tau dongoka! Siapa sallonu tuli lakamma? Kerepi wattu nanupammari ambawang-bawangngangi pangngassenganga siagang ansorongbokoi pappilajaranga?

YOHANES 1:6

Battumi tunisuroa ri Allata'ala, iamintu niarenga Yohanes.

PANGNGEBARANG 6:6

Tau malasaka parallui naparhatikang antekamma batena attallasa' kaluaraya siagang appilajara' battu ri ia.

PANGNGEBARANG 6:8

mingka lalang wattu pakkattoang appasse'rei ke'nanga bokong untu' wattu kacipurang.

PANGNGEBARANG 6:10

Ammantangngi a'raka' lima untu' ammari-mari, siagang nakana, “Ah, lattinroa' sinampe' dudu, ta'do'doka'.”

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

PANGNGEBARANG 20:13

Tau nangaia attinro latu'guru' kasi-asi. Tau rajenga anjama jai kanre-kanreanna.

PANGNGEBARANG 26:14

Sanrapang pakke'bu' tapputaraka ri engsele'na, kammaminjo lapung tau malasaka ambale'-baleki kalenna rate ri tampa' katinroanna.

KATO'BA 4:5

Nikana bedeng, tau toloaji bawang ammempo anrakaki limanna siagang nabalang parekang kalenna mate lanri cipuru'.