PANGNGEBARANG 6:6 - KITTA' MATANGKASA'

⁶ Tau malasaka parallui naparhatikang antekamma batena attallasa' kaluaraya siagang appilajara' battu ri ia.

PANGNGEBARANG 6:6 Referans Kwoze

PANGNGEBARANG 20:4

Pamarri malasaka tanajamayai kokonna punna narapi' wattunna; kale'bakkanna tena apa-apa wassele' tanana punna pakkattoang.

PANGNGEBARANG 18:9

Tau tenaya najampangi tugasa'na sangkammai kodina siagang tau nangaia ammanraki.

PANGNGEBARANG 6:9

Sa'genna siapa sallona anjo tau malasaka latinro? Angngapapi nambangung?

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

MATIUS 25:26

Nakanamo anjo karaenga, ‘Ikau palayang ja'dalakko siagang malasakko. Sai nuassemmi angkanaya angngallea' rappo-rappoang battu ri poko'-poko' takulamunga; siagang angngallea' wassele' ri tampa' tenaya kulamungi bine?

PANGNGEBARANG 30:25

Kaluara, olo'-olo' lamma, mingka napasadiai kanrena ri timoro'na.

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

PANGNGEBARANG 21:25

Lapung tau malasaka taerokai anjama; nabunoi kalenna ri kacinnanna;

PANGNGEBARANG 19:15

A'malasa'-malasaka akkullei napajannang tinrona taua, kale'bakkanna lanaallei cipuru' anjo lapung tau malasa'.

PANGNGEBARANG 22:13

Lapung tau malasaka nangai ammantang ri balla'; nakana, “Nia' singa pantara', nakanrea' sallang ri tangngana aganga.”

PANGNGEBARANG 10:26

Teako assuroi tau malasa', appakabirisi'ji bawang, sanrapang cukka appatilu gigi yareka umbu appakapacce mata.

PANGNGEBARANG 19:24

Nia' tau teai sipato' malasa'na; manna anynyoanga kanre mae ri bawana kuttu tonji.

MATIUS 6:26

Cini' sai anjo jangang-janganga ri panri'bakkanna. Tena nangngasseng a'lamung-lamung, tena nakkatto, kammayatompa tena nammoli' wassele' lamung-lamung ri pammoli'-molikanna. Mingka manna nakamma mamo, niparakai tonji ri Manggenu niaka ri suruga. Sai lompoangangi anggarannu nasikamma anjo jangang-janganga?

PANGNGEBARANG 15:19

Tau malasaka tuli lanakasiaki kasukkaranga; tau lambusuka tammuntulai kasukkarang.

PANGNGEBARANG 1:17

Manna jangang-janganga tena todong nalantama' ri sikko' nitannanga ri dallekang matanna,

YESAYA 1:3

Sapia naassengi narupa karaenna, keledaia naassengi tampa' pangnganreanna le'baka napasadia karaenna. Mingka ummakKu Israel tena; tena napahangi ke'nanga.”

PANGNGEBARANG 23:19

Pilangngeri, na'! A'jariko cara'de'. Parhatikang tojeng-tojengi batenu attallasa'.

PANGNGEBARANG 30:24

Ri linoa anne nia' appa' rupanna olo'-olo' ca'di mingka sanna' cara'de'na, iamintu:

YEREMIA 8:7

Manna kondoa naassenji nikanaya ammotere'; bukkuruka siagang jangang-jangang pinisika, kammayatompa pune-punea naassengi wattu pa'lettekanga battu ri tampa'na. Mingka ikau, ummakKu, tanuassengai hukkung-hukkung Kupassareanga mae ri kau.

PANGNGEBARANG 10:4

Tau malasaka latu'guru' kasi-asi; tau rajenga la'jari kalumanynyangi.