PANGNGEBARANG 6:25 - KITTA' MATANGKASA'

²⁵ Teako erokki nigoda ri kaga'ganna ke'nanga, teako takkontakki mae ri mata manynyonyo'na ke'nanga.

PANGNGEBARANG 6:25 Referans Kwoze

MATIUS 5:28

Mingka anne kamma Kukana ri kau ngaseng: Inai-nai accini' baine nabattumo cinnana a'gau' salimara', a'gau' salimara'mi siagang anjo bainea ilalang ri nyawana.

2 KARAENG-KARAENG 9:30

Battumi Yehu mange ri Yizreel. Le'ba'namo nalangngere' Izebel anjo apa kajarianga, najangkai baji'mi uu'na nampa ammake paccalla mata, nampa attoa' naung battu ri tontonganna balla' karaenga.

YESAYA 3:16

Nakana Batara, “Teai sipato' borrona bai'-bainea ri Yerusalem! Sanna' lalena, nangai akkido kanynying siagang tampo sikali nicini' a'jappa. Napare'-pareki dakkana, a'rincing-rincingi ponto bangkenna.

KELONG MALA'BIRI' 4:9

Nuallemi nyawaku, andi', buntingku, nuallei nyawaku lanri paccini'nu, lanri paramata ga'ga ri rantenu.

YEREMIA 4:30

He Yerusalem, nibokoi mako na tena apa-apa akkulle nugaukang! Untu' apa nummake baju eja nanubelo-beloi kalennu siagang bulaeng na pera', kammayatompa numodei matannu siagang paccalla'? Tena matu-matunna numodei kalennu, nasaba' sikamma tanrinnu taerokami mae ri kau, ba'lalo ero'mi ke'nanga angngallei nyawanu.

YEHEZKIEL 23:40

Ba'lalo akkiringi ke'nanga undangang mange ri bura'ne-bura'ne niaka ri pa'rasangang bellaya, siagang battumi anjo tau naundanga. Untu' antarimai anjo sikamma toananna, a'je'ne'mi anjo tau ruaya assari'battang, ammakei calla' mata siagang napakei belo-belona.

PAOLE 5:21

Teako kacinnai barang-baranna parannu tau: kammaya balla'na, buttana, bainenna, ata-atanna, olo'-olo'na, keledaina yareka manna apa-apa mamo napatanga parannu tau.’

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.