PANGNGEBARANG 6:14 - KITTA' MATANGKASA'

¹⁴ Pikkirang botto'na rassi siagang rancana ja'dala' siagang appaumba pa'beserang ri kere-keremae.

PANGNGEBARANG 6:14 Referans Kwoze

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

ROMA 16:17

Sikamma sari'battangku ngaseng! Sanna' kupala'na mae ri kau ngaseng: tutuko mae ri tau eroka appasisala-sala siagang tau eroka angkacoi tappa'na taua mae ri Batara. Assisalai anjo kammaya siagang apa le'baka nipangngajarrang mae ri kau. Pakabellai kalennu battu ri tau kammaya anjo.

HOSEA 8:7

UmmakKu appakioroki anging jari lakkattoi anging lompo! Tena nadidi rappo gandunna ke'nanga, jari talanggappayai labu' untu' kanrena ke'nanga. Mingka punna padeng didi anjo gandunga, lala'busuki nikanre ri bansa-bansa maraenga.

YEHEZKIEL 11:2

Nakana Allata'ala ri nakke, “He tau, iaminne sikamma tau anrancanakanga kaja'dallang ri anne kotaya siagang assarea pangajarang sala.

YESAYA 57:20

Mingka tau ja'dalaka rapangi tamparang a'bombanga siagang tenaya nale'ba' sannang. Lo'loro'na angngerangi loro siagang peo'.

YESAYA 32:7

Na ia patipua sangnging kaja'dallang nanawa-nawa siagang nagaukang. A'boyai akkala' untu' ancilakai tau kasi-asia, iamintu a'boyai kana balle-balle siagang narompai ke'nanga anggappai ha'na.

PANGNGEBARANG 22:8

Tau appakioroka kajekkongang lakkattoi bala; kale'bakkanna lalanynya'mi appaero'-ero' na appanggaukang.

PANGNGEBARANG 21:8

Tau salaya, a'lekko-lekkoi oloanna; tau bajika tuli lambusuki tallasa'na.

PANGNGEBARANG 3:29

Teako rancanai apa-apa lappakarugia mae ri parannu tau ia niaka ri ampi'nu siagang tappaka mae ri kau.

PANGNGEBARANG 2:14

Battu ri kaja'dallanna ke'nanga napanggappai kasannangngang.

PAMMUJI 36:4

Kana-kananna ja'dalaki siagang rassi balle-balle, tenamo nagaukangi apa bajika siagang annabaya.

PAMMUJI 140:2

Kilappassanga' battu ri tau ja'dalaka, o, Batara, Kijagaia' battu ri tau anggaukangai katerassanga.

PANGNGEBARANG 16:27

Tau ja'dalaka usahai ancilakai paranna tau; ja'dalaki kana-kananna sanrapang pepe' a'bara.

PANGNGEBARANG 17:20

Sitaua patipu tena nalamate'ne, tau appengkaya lilana langgappai bala.

PANGNGEBARANG 24:8

Tau tuli a'rancanaya kaja'dallang, laniarengi tupparicu.

PAMMUJI 140:3

Narancanakangi ke'nanga kaja'dallanga lalang ri pa'mai'na, siagang allo-allona appa'nia' pa'beserang.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 14:22

Inai-nai anggaukangi apa bajika, lanipatappaki na nipakala'biri'; inai-nai anrancanakangi kaja'dallanga niaki ri oloang salaya.