PANGNGEBARANG 6:12 - KITTA' MATANGKASA'

¹² Tau ja'dalaka siagang tau kurangajaraka a'la'bangi a'balle-balle.

PANGNGEBARANG 6:12 Referans Kwoze

MATIUS 12:34

Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!

PANGNGEBARANG 16:27

Tau ja'dalaka usahai ancilakai paranna tau; ja'dalaki kana-kananna sanrapang pepe' a'bara.

PANGNGEBARANG 4:24

Tea' laloko appasuluki kana-kana tenaya natojeng. Teako pa'dongo'-dongoki siagang pakabellai kana-kana balle-ballea untu' ampa'dongo'-dongoki parannu tau.

1 TIMOTIUS 5:13

Nampa pole napela'-pela' salami wattunna ke'nanga assulu' antama' ri balla'na taua. Siagang la'bi kodianganga pole, iamintu appilajara'mi ke'nanga ambotto'-bottoki arenna taua; siagang napantama'-tamakki urusanna tau maraenga, kammayatompa nabicarami apa-apa tenaya nasiratang nibicara.

LAMPA-LAMPANA 20:30

Ba'lalo lania' tau battu ri tangnga-tangnganu tonji ambirittakangi biritta salaya. Lappanggaukang kammai anjo ke'nanga sollanna akkulle tau tappakamo ri Isa a'jari sala oloang, nampa amminawang ri ke'nanga.

PANGNGEBARANG 17:4

Tau ja'dalaka naturuki pikkirang ja'dalaka, paballe-ballea nangai appilangngeri kana-kana pitina.

PANGNGEBARANG 8:13

Punna nipakala'biri' Batara, battuanna nikabirisi kaja'dallanga; takungaiyai kaborroanga siagang katampoanga. Kukabirisi gau'-gau' ja'dalaka siagang kana-kana annipua.

PAMMUJI 59:7

Ri wattu karuenna ammotereki ke'nanga, nakantisi' giginna sanrapang kongkong angkulilingi kotaya.

YAKOBUS 3:6

Anjo lilaya sanrapangi pepeka. Iami akkulle nakabattui kaja'dallanga lalang ri batangkalenta; akkullei a'la'bang anjo kaja'dallanga mae ri sikontu batangkalenta battu ri anjo lilaya. Akkullei ammutung sikontu katallassanta napakamma pepe' battua ri naraka, passabakkang lilata.

PANGNGEBARANG 11:6

Tau lambusuka salamaki lanri te'nena pa'mai'na; tau tenaya nakkulle nipatappa', ta'loposoki lanri kangoanna.

PANGNGEBARANG 6:14

Pikkirang botto'na rassi siagang rancana ja'dala' siagang appaumba pa'beserang ri kere-keremae.

PANGNGEBARANG 2:12

kammayatompa lanapisangkaiko anturuki batena tau tenaya nabaji' batena attallasa', kammayatompa nupakabellai kalennu battu ri sikamma tau ja'dalaka bawana.

PAMMUJI 36:3

Nakanai kalenna sanna' heba'na, sa'genna tanaassenga kasalanna, siagang tena nakabirisi.

PAMMUJI 10:7

Tulusu' mattunrana, anggaratta' siagang annipu, kana-kananna sangnging kabirisang siagang kaja'dallang.

PAMMUJI 10:3

A'bicara borroi tu ja'dalaka untu' kaerokang ja'dala'na, tau angngoaya natunrai siagang natollaki Batara.

YAKOBUS 1:21

Lanri kammana, pela' ngasemmi sikontu kabiasang ra'masaka siagang ja'dalaka. Tarimami siagang ati matuna kana-kana Nalamunga Allata'ala lalang ri atinnu, nasaba' anjo kana-kanaya nia' kakoasanna untu' ampasalamakko.

YEREMIA 24:2

Anjo baku' makase'rea rassi rappo ara baji'-bajika ngaseng, sangkamma rappo ara bungasaka; nampa anjo baku' makaruaya rassi rappo ara bottoka ngaseng, sa'genna takkullea nikanre.

1 SAMUEL 17:28

Eliab daenna Daud toaya nalangngereki Daud a'bicara siagang anjo taua. Sanna'mi larrona mae ri Daud na nakana, “Angngapa nubattu mae anrinni? Inaimi nusuro angngurusuki sikamma gimbalaka anjo pirang kayua ri paranga? Kuassengi, angkana ero' nikanako barani. Battuko mae kaero'nuji bawang anciniki pa'bundukanga!”

PANGNGEBARANG 10:32

Kana-kana tau te'nea pa'mai'na appakasannangi nyawa; kana-kana tau ja'dalaka tuli appakapa'risiki pa'mai'.

PAMMUJI 101:3

tena nalakubalang parekang kaja'dallanga. Kukabirisi panggaukanna tau ta'gilinga, siagang tena kuero' siurusu' siagang ke'nanga.

PANGNGEBARANG 3:32

Saba', anjo Batara Nakabirisi tau a'gau' ja'dalaka, mingka agang jarreki siagang tau lambusuka lalang tallasa'na.

PANGNGEBARANG 16:30

Tutuko ri tau ta'muria siagang akkedo kanynyinga, nia' antu rancana ja'dala' lalang ri atinna.