PANGNGEBARANG 4:2 - KITTA' MATANGKASA'

² Anne apa kupangngajarranga mae ri kau bajiki, jari teako bawang-bawangngangi.

PANGNGEBARANG 4:2 Referans Kwoze

1 TIMOTIUS 4:6

Punna nupangngajarrang baji'mo yangasenna anjo mae ri parannu tau tappa', a'jari palayanNa mako Isa Almasi, siagang nugaukang baji'mi jama-jamannu. Siagang parallui pila' nupattimbo pa'mai'nu siagang kana nipatappaka battu ri Allata'ala, siagang pangngajarang katojengang nupinawangamo siapa sallona ri kamma-kammaya anne.

PAOLE 32:2

Dasi-dasi narapang bosi manurung pangngajarangku, na rapang je'ne' allung mammatti' kana-kanangku, rapang bosi sarro ri tompo'na ruku'-rukuka, bosi a'ricci'-ricci' ri tompo'na lamung-lamunga.

TITUS 1:9

Musti anna'gala' jarreki mae ri pappasanNa Allata'ala, iamintu biritta akkullea nipatappa' sangkamma le'baka nipangngajarrang mae ri ia. Lanri kammana, akkullemi ampakaingaki taua situru' pangngajarang tojenga, siagang napicinikiang kasalanna tau taeroka mappilangngeri.

AYUB 33:3

La'bicara' silambusu'na pa'maikku; kana sitojenna lakupau.

AYUB 11:4

Turu' ri panggappanu, tena nasala anjo kana-kanannu; turu' ri pikkirannu, tangkasakko ri dallekanNa Allata'ala.

2 PATTOTTORANG 7:19

Mingka punna ikau siagang ra'ya'nu nudakkai hukkung-hukkungKu siagang parenta-parentakKu, kammayatompa anynyombako mae ri rewata-rewata maraenga,

1 PATTOTTORANG 28:9

Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.

PAMMUJI 119:87

Sike'de' mami nakkullemo ke'nanga ambunoa', mingka tena nakubalang parekangi parentaTa.

PANGNGEBARANG 3:1

Teako takkaluppai ri apa le'baka kuajarrangko, ana'. Tuli u'rangi parentaku,

YEREMIA 35:8

Sikontu anjo apa naparentakanga Yonadab mae ri kambe naturuki ngasemmi ikambe. Lalang sikontu tallasa'na ikambe, ikambe siagang tubai'-bainena ikambe, kammayatompa ana'-ana'na ikambe, tena ngaseng nangnginung anggoro'.