PANGNGEBARANG 4:13 - KITTA' MATANGKASA'

¹³ Tuli u'rangi ajarang le'baka nutarima battu ri nakke. Jagai anjo baji'-baji', saba' lanri anjo pangngajaraka nalangngerang wassele' tallasa'nu.

PANGNGEBARANG 4:13 Referans Kwoze

IBRANI 2:1

Iaminjo saba'na kimusti la'bi attojeng-tojeng anna'gala' jarre' mae ri sikontu pangngajarang le'baka nilangngere' battu ri Allata'ala, sollanna tena nanibokoi katappakkanta.

PANGNGEBARANG 3:18

Tau manna'gala' jarreka ri kacara'dekanga lanakasiaki katallassang sitojennaya siagang mate'nea.

PANGNGEBARANG 23:23

Ajarang annabaya, kacara'dekang, pangngajara', siagang pammahang, yangasenna anjo siratangi niballi, mingka tena nasiapa anggaranna lanibalukang.

PAOLE 32:47

Anne pangngajaranga teai bicara kosong, passangalinna untu' katallassannu. Turuki anjo sikontua parenta, sollanna la'bu umuru'nu ri pa'rasangang tenayamo nasallo nanupantamakki ri ba'leanna Binanga Yordan.”

1 TESALONIKA 5:21

Yangaseng-ngasenna parallui nuparessa baji'; ia bajika parallui nuturuki.

LAMPA-LAMPANA 11:23

Na ri wattunna battu Barnabas mange anjoreng, nacini'mi antekamma bateNa Allata'ala ambarakkaki ngasengi anjo taua. Sanna'mi rannuna Barnabas. Na napakainga'mo ke'nanga sollanna jarre' tojeng-tojeng tappa'na ke'nanga ri Batara.

LAMPA-LAMPANA 2:42

Tuli attojeng-tojemmi ke'nanga appilajara' ri tunisuroNa Allata'ala. Siagang tuli a'rappungammi ke'nanga appala' doang siagang sipangnganreang.

YOHANES 6:68

Nakanamo Simon Petrus ri Ia, “O Batara, inaimi lanamangei ikambe? Kana-kananTa assarei katallassang mannannungang.

PAPPICINI' 12:11

Le'ba'mi nibeta ri sari'battanta tete ri cera'Na anjo Ana' Gimbalaka, siagang tete ri katojenganna anjo biritta battua ri Allata'ala, ia le'baka napa'la'bang ke'nanga. Rellai ke'nanga angkoro'bangkangi kalenna sa'genna mate.

PAPPICINI' 2:13

Kuassengi angkana kemaeko ammantang. Lalangko ammantang ri tampa' kakoasanna Billisika. Tamamminrayako mae ri Nakke. Ba'lalo, ri wattunna nibuno Antipas ri Billisika ri dallekannu, iamintu sa'biKu tamamminraya, tena todong nanussassala' angkanaya tappakko mae ri Nakke.

KELONG MALA'BIRI' 3:4

Silalonna kubokoi ke'nanga, kugappami tu ta'dongkoka ri atingku. Kuta'gala'mi, taeroka' allappassangi sa'genna kuerang mange ri balla'na ammakku, ri bili'na tungnganakkangku.

KATO'BA 7:12

sangkamma tongi doe' assareaki' pakkasia' amang. La'biangampa pangngassengang nikanaya kacara'dekang! Inai ampatangi, iami lasalama'.

PANGNGEBARANG 3:22

nalanikatutui tallasa'nu, baji' siagang appakasannang.

PA'JARIANG 32:26

Nampa nakana anjo taua, “Lappassanga', kala'birimmi ammumba alloa.” Appialimi Yakub angkana, “Tena nakulappassangki' karaeng, punna tena kibarakkakia'.”

YOHANES 6:63

Assareai katallassang rupataua iamintu RohNa Allata'ala. Tena matu-matunna kagassinganna rupataua. Kana-kana Kupabattua ri kau ngaseng iamintu kana-kana RohNa Allata'ala, assarea katallassang.

PANGNGEBARANG 6:23

Anjo pitunju'-pitunju'na tau toanu sanrapangi lampu singaraka; pappasailena ke'nanga napicinikiangko antekamma nikanaya tallasa' baji'.

PANGNGEBARANG 8:35

Inai ambuntulukka', anggappai katallassang, mangngellai Batara mae ri ia.

PANGNGEBARANG 10:17

Inai anjampangi pappasailea, lasalewangangi tallasa'na, inai battala' angngakui kasalanna, niaki lalang bahaya.