PANGNGEBARANG 31:31 - KITTA' MATANGKASA'

³¹ Balasaki sikontu kabajikanna; iami baine siratanga nipakalompo ri kere-keremae!

PANGNGEBARANG 31:31 Referans Kwoze

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

IBRANI 6:10

Anjo Allata'ala teai Allata'ala tangngassenga adele'. TaNakaluppaiyai apa-apa le'baka nugaukang mae ri Ia siagang pangngamaseang le'baka nupappicinikang mae ri Ia ri wattunna nutulung sikamma julu tappatta, baji' na riolo, yareka na ri kamma-kammaya anne.

PAPPICINI' 14:13

Nampa nia' kulangngere' sa'ra battu ri suruga angkana, “Tulisiki anne: Maupaki tau matea appakkaramula ri kamma-kamma anne, ilalang nalayanina Batara!” Appialimi RohNa Allata'ala angkana, “Annabai! Lammari ke'nanga anjama terasa', lanri tuli nia'na wassele' palayananna ke'nanga anrurungangi.”

MATIUS 7:16

Battu ri panggaukanna ke'nanga akkulle nuasseng nubatei. Takkulleai romang-romang akkatintinga a'rappo anggoro'; siagang takkulleai rompo'-rompo' akkatintinga a'rappo ara.

FILIPI 4:17

Mingka tena nakukana tuli erokkuji bawang annarima passare. Ia kukaerokia, iamintu: sollanna akkulle kucini' sikamma wassele' akkullea antambai kaupakkannu.

PANGNGEBARANG 31:16

A'boyai sipammantangang tampa', nampa naballi; angngusahai koko anggoro' battu ri wassele' panggappanna.

PANGNGEBARANG 11:30

Tau bajika lanikatutui tallasa'na; tau cara'deka lakatambangi tau amminawanga ri ia.

1 TIMOTIUS 5:25

Kamma tomminjo panggaukang-panggaukang bajika a'nassa memammi nicini'. Siagang manna sukkaraka nicini', tena todong nakkulle tuli lataccokko.

LAMPA-LAMPANA 9:39

Ammentemmi linta' Petrus, nampa a'lampa ampinawangi anjo tunisuroa battu. Battuna ke'nanga mange anjoreng, nierammi Petrus nai' ri kamara' rateanga. Battu ngasemmi janda niaka anjoreng angngarru', allipungi Petrus. Napaccinikammi ke'nanga mae ri Petrus sikamma baju-bajua siagang juba-juba najaika Dorkas, eroka napassareang Dorkas ri ke'nanga ri wattu attallasa'na.

MATIUS 7:20

Kammatommi anjo sikamma na'bi-na'bi palassua. Akkullei nuasseng nubatei battu ri panggaukanna.”

ROMA 16:6

Sallangku todong mae ri Maria. Iami le'ba' anjama terasa' untu' ikau ngaseng.

ROMA 16:12

Sallangku mae ri Trifena siagang Trifosa, anjama terasaka allayani Batara, kammayatompa mae ri Persis kukamaseanga, le'baka todong anjama terasa' untu' Batara.

PANGNGEBARANG 31:30

Tanja' ga'gaya takkulleai nipatappa', siagang kaga'ganga lalanynyaki; mingka baine mappilangngeria ri Batara siratangi anggappa pammuji.

KATO'BA 1:1

Kana-kana niaka lalang ri anne kittaka, assala'na iamintu battu ri se'rea Tau Assarea Pangngajarang, ana' bura'nena Daud, ansambeangai Daud a'jari karaeng ri Yerusalem.