PANGNGEBARANG 31:26 - KITTA' MATANGKASA'

²⁶ Lammai bicaranna; cara'deki kana-kananna.

PANGNGEBARANG 31:26 Referans Kwoze

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

PANGNGEBARANG 16:24

Kana-kana bajika sanrapangi je'ne' bani; te'nei kasia'na siagang napakkamalei tubua.

PANGNGEBARANG 10:31

Tau te'nea pa'mai'na appasuluki kana-kana cara'de'; tau ja'dalaka lanijempangangi bawana.

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

KOLOSE 4:5

Mae ri parannu tau, ia tenayapa natappa', baji'-bajiki katallassannu nanupake baji' sikamma kasampatang niaka.

PANGNGEBARANG 25:15

Kasa'barrang nirurungangang ri kana-kana lamma akkullei napa'jari tappa' tukoasaya, siagang naancuru' sikontu angngewaya.

1 PETRUS 3:1

Kammaya todong ikau, sikamma tu bai'-bainea, musti mappilangngeriko mae ri bura'nennu. Sollanna punna nia' tau tena natappa' bura'nenna ri biritta battua ri Allata'ala, akkullemi a'jari tappa' lanri nacini'na panggaukannu. Siagang tena nuparallu a'bicara apa-apa mae ri ke'nanga,

MALEAKHI 2:6

Napangngajarrangi ke'nanga katojenganga, teai salaya napangngajarrang. SijarrekiA' siagang ke'nanga, siagang naturuki erokKu silambusu'na pa'mai'na ke'nanga. Jai tongi tau natulung ke'nanga sollanna tanagaukanga kaja'dallanga.

HAKING-HAKING 13:23

Appialimi bainenna angkana, “Punna ero' memang Batara ambunoki', tantu taerokai antarimai anjo koro'bang nipassombanga mae ri Ia. Siagang tena todong na laNappicinikang ngaseng anne sikammaya mae ri katte. Yareka tena na laNapauangki', anjo apa-apa le'baka Napau mae ri katte.”

ESTER 5:8

“Punna kierokangi karaeng anturukiangi pappala'na atanta, kuminasai nakibattu pole siagang Haman ri parjamuang lakupareka pole ammuko ri bangngia. Lalampi ri anjo parjamuanga nakupauangki' pappalakku ri katte.”

LAMPA-LAMPANA 18:26

Appakkaramulami a'bicara siagang barani Apolos lalang ri balla' sambayanga. Na ri wattunna nalangngere' Priskila siagang Akwila anjo apa napangngajarranga Apolos, nakio'mi ke'nanga Apolos mange ri balla'na ke'nanga. Anjoreng ri ballaka napauang la'bi baji'mi ke'nanga Apolos ri passala' antekamma ero'Na Allata'ala ampasalamaki rupataua lalang ri KalenNa Isa.

LAMPA-LAMPANA 6:15

Nicinikimi Stefanus ri sikontu tau niaka hadere' lalang ri anjo sidang Pangadelang Agamaya. Na anjo wattua, attanja' kammami malaeka' nicini' rupanna Stefanus.

LUKAS 1:38

Nakanamo Maria, “Inakke anne, atanNa' Allata'ala; boli'mi kamma nakajariang ri nakke, antu kipakkanaya.” Le'baki anjo a'lampami anjo malaekaka ambokoi Maria.

KELONG MALA'BIRI' 4:11

Baji'na kana-kanannu, buntingku, sanrapang je'ne' bani siagang dadi'. Pakeannu sambauki Moncong Libanon.

KELONG MALA'BIRI' 2:14

O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

ESTER 4:4

Ri wattunna napabattu sikamma tuloloa siagang palayang allayaniai Ester mae ri ia anjo apa nagaukanga Mordekhai, a'jari si'na sikalimi pa'mai'na Ester. Akkirimmi pakeang mae ri Mordekhai untu' ansambei kaeng karunna, mingka taerokai Mordekhai antarimai.

PANGNGEBARANG 31:27

Tuli rajengi anjama siagang naparhatikangi urusang lalang balla'na.

PANGNGEBARANG 19:14

Ballaka siagang barang-baranga akkullei nagappa battu ri manggena, mingka baine cara'deka iami passareNa Batara.