PANGNGEBARANG 31:15 - KITTA' MATANGKASA'

¹⁵ Ri bari'basa' dudua ambangungi appasadia kanre untu' bone balla'na, siagang untu' ambagei tugasa' palayang-palayanna.

PANGNGEBARANG 31:15 Referans Kwoze

ROMA 12:11

Rajengko anjama-jama. Teako kuttui. Anjamako untu' Batara lalang sumanga' battua ri RohNa Allata'ala.

LUKAS 12:42

Appialimi Isa Nakana, “Inai palayang tuli baji' siagang cara'de' sa'genna niangka' ri karaenna a'jari kapala mae ri palayang-palayang maraenga, sollanna nasare kanre ke'nanga punna narapi' wattunna?

MARKUS 1:35

Ammukona, ri wattu subuna ija, ambangummi Isa nampa a'lampa ambokoi ballaka. Mangei ri tampa' sino-sinoa ri pantaranganna kotaya. Mangei anjoreng appala' doang.

PANGNGEBARANG 20:13

Tau nangaia attinro latu'guru' kasi-asi. Tau rajenga anjama jai kanre-kanreanna.

KATO'BA 9:10

Jamai sikontu tugasa'nu sipagassing-gassinnu. Saba' tenamo sallang pikkirang yareka jama-jamang. Tenamo pangngassengang yareka kacara'dekang ri linona tau matea. Na iami anjo lanumangei.

2 PATTOTTORANG 36:15

A'mole-molemi Batara, Allata'alana boe-boena ke'nanga appabattu tunisuro untu' ampakaingaki Umma'Na, lanri NasayanNa ke'nanga siagang Balla'Na.

YOSUA 3:1

Ammukona, ambangung bari'basa' dudumi Yosua siagang sikontu umma' Israel, nampa nabokoi tampa' pakkemaanna ke'nanga ri Sitim, siagang a'lampa mange ri Binanga Yordan. Anjoreng akkemami ke'nanga siagang attayammi wattu untu' a'limbang.

MATIUS 24:25

Jari, u'rangi memangi! Kupauang mako anne la'bi riolo ri tenanapa nakajariang.

PANGNGEBARANG 31:16

A'boyai sipammantangang tampa', nampa naballi; angngusahai koko anggoro' battu ri wassele' panggappanna.