PANGNGEBARANG 3:27 - KITTA' MATANGKASA'

²⁷ Punna nia' pakkullenu untu' anggaukangi bajika mae ri tau parallua ri kabajikannu, teako tollaki untu' anggaukangi anjo kammaya.

PANGNGEBARANG 3:27 Referans Kwoze

GALATIA 6:10

Jari, lalang nia'na ija kasampatang ri katte, paralluki' a'gau' baji' mae ri yangasenna rupataua, la'biangampa mae ri sikamma sari'battang julu tappatta.

ROMA 13:7

Jari bayaraki mae ri pamarentaya apa siratanga nubayara' ri ia. A'bayarakko sima punna siratangko a'bayara' sima; siagang a'bayarakko sussung punna siratangko a'bayara' sussung. Musti nubilang lompoi tau siratang nubilang lompo siagang musti nupakala'biriki tau siratanga nupakala'biri'.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

PA'JARIANG 31:29

Gannaki kagassingangku untu' a'gau' ja'dala' ri kau punna erokka'. Mingka ri bangngia niaki Allata'ala napakalompoa manggenu ampakaingaka' sollanna tena sikali kugarattakko.

MIKHA 2:1

Cilakai tau a'rancanaya kaja'dallang lalang attinrona ri katinroanga ri wattu bangngia, nampa nagaukang anjo rancanana ammukona bari'basa' lanri nia'na pakkullena untu' anggaukangi.

TITUS 2:14

Le'ba'mi Nakoro'bangkang KalenNa untu' kasalamakkanta battu ri sikontu kaja'dallanga, na Napa'jariki' umma'Na matangkasaka, siagang rajenga a'gau' baji'.

PAOLE 15:13

Anjo ata bebasakamo, takkulleai a'lampa nampa tanusarea apa-apa.