PANGNGEBARANG 3:17 - KITTA' MATANGKASA'

¹⁷ Kacara'dekanga napakasannangi tallasa'nu siagang napa'jariko salewangang.

PANGNGEBARANG 3:17 Referans Kwoze

LUKAS 1:79

kammaminjo na Nasingari sikontu taua niaka lalang ri sassang siagang kamallakkang. Nauluki' mange ri oloang a'lampa mangea ri kabajikanga.”

YESAYA 26:3

O, Batara, iKatte assare passiamakkang siagang salewangang mae ri tau jarreka pa'mai'na, lanri tappa'na mae ri Katte.

PANGNGEBARANG 2:10

La'jariko tu cara'de', siagang anjo pangngassengannu lanapakarannui pa'mai'nu.

PAMMUJI 119:165

Tau mangngaia ri hukkunTa amangi na sannang, tena akkulle anrompai ke'nanga.

PANGNGEBARANG 22:18

Lasannangko punna nuboli' ri pa'mai'nu anjo pangngajarangku. Na lanri kammana sadia mako punna erokko ampakei.

PAMMUJI 119:14

Rannua' anturuki parenta-parentaTa, sanrapang kupatang ngaseng sikamma apa-apaya.

PAMMUJI 112:1

Pujimi Batara! Mate'nei tau mappilangngeria, mangngaia ri sikamma parentaNa Batara.

YESAYA 57:19

LaKusarei kasannangngang sikontu taua, baji' tau ambania kammayatompa tau bellaya. LaKupakabajiki ummakKu.

PANGNGEBARANG 16:7

Punna nupakasannang pa'mai'Na Batara, musu-musunnu laNapa'jari agangi.

PAMMUJI 119:174

Nakkuki pa'maikku mae ri kasalamakkang battua ri Katte, hukkunTa ampakarannui pa'maikku.

PAMMUJI 119:103

Tamaka te'nena kana-kananTa, te'neangngangi naje'ne' bania!

PAMMUJI 119:47

Kasannangangku iamintu anggaukangi parentaTa, saba' mangngaia' ri ia.

PAMMUJI 37:11

Tau tuna pa'maika lanawarisiki anjo buttaya, na nakasia' kacoppongang alla'bia.

PAMMUJI 25:10

Tau mannurukia ri parjanjianNa siagang hukkunNa, Nagau' kamasei siagang tamamminrayai.

ROMA 5:1

Kamma-kamma anne assibajiki maki' ammotere' siagang Allata'ala, lanri tappa' maki' mae ri Ia. Siagang lanri kammana, attallasa' maki' lalang kasiamakkanga siagang Allata'ala, tete ri Batarata Isa Almasi.