PANGNGEBARANG 3:14 - KITTA' MATANGKASA'

¹⁴ Lompoangngangi passawallanna kala passawallang pera' nagappaya, siagang lompoangngangi anggaranna na bulaenga.

PANGNGEBARANG 3:14 Referans Kwoze

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 8:19

Apa nugappaya battu ri nakke la'biangngangi na bulaeng ti'noka; la'bi lompoangngangi anggaranna na pera' ti'noka.

MATIUS 16:26

Nasaba' apa matu-matunna nagappa ngaseng taua anne linoa punna latappela' katallassanna? Maka akkullei anjo katallassanga nipassambe apa-apa maraeng?

PAMMUJI 119:111

ParentaTa iami pisakaku satunggu-tungguna, ampakarannui pa'maikku.

PAPPICINI' 3:18

Lanri kammanami anjo naKupakaingakko sollannu ammalli ngaseng battu ri Nakke bulaeng, iamintu bulaeng ti'no', sollannu a'jari kalumanynyang. Ammalli todong mako battu ri Nakke pakeang kebo' sollannu akkulle ammakeang siagang nutongko' kalennu natena nussolara' siagang natena nuppakasiri'. Siagang ammalli todong mako pa'balle untu' nupasapu mae ri matannu, sollannu akkulle accini'.

PANGNGEBARANG 2:4

Boyai anjo kammaya sanrapang a'boya bulaeng, siagang ondangi anjo kammaya sanrapang angngondang pakkalumanynyangngang taccokkoa.

PAMMUJI 119:162

JanjinTa ampakarannua', sanrapang tau ammuntuluka pa'barang-barangngang.

PAMMUJI 119:72

Untu' inakke tinggiangangi anggaranna hukkunTa kala sikontu bulaenga siagang peraka ri lino.

KATO'BA 7:11

Tau attallasaka mustina nia' kacara'dekanna; anggaranna anjo kacara'dekanga sangkammai barang pisaka;