PANGNGEBARANG 3:1 - KITTA' MATANGKASA'

¹ Teako takkaluppai ri apa le'baka kuajarrangko, ana'. Tuli u'rangi parentaku,

PANGNGEBARANG 3:1 Referans Kwoze

PANGNGEBARANG 4:5

A'jariko tau cara'de siagang tau tarang pikkirannu! Tuli u'rangi sikamma pappakaingakku siagang teako pelakki.”

PAMMUJI 119:16

A'jari sannangi pa'maikku lanri katantuanTa; tena nalakukaluppai ajaranTa.

PANGNGEBARANG 1:8

Parhatikangi kananna anrong manggenu, anakku,

PAMMUJI 119:93

Tulusu' tena nalakubalang parekang parentaTa, saba' lanri iami nakitallassia'.

PAMMUJI 119:34

Kipa'jari pahanga' ri hukkunTa sollanna kuturuki, siagang kugaukang siagang sibatu pa'maikku.

YEREMIA 31:33

Iaminne parjanjiang beru laKupareka siagang umma' Israel: Hukkung-hukkungKu laKuboliki ri ati mailalanna ke'nanga, Kutulisiki ri pa'mai'na ke'nanga. INakke la'jari Allata'alana ke'nanga, siagang ke'nanga la'jari ummakKu.

PAMMUJI 119:11

Kuboliki ri pa'maikku pangngajaratTa, sollanna tena kudoraka mae ri Katte.

PAOLE 8:1

“Sikontu hukkung kupassareanga mae ri kau anne alloa musti nugaukangi tamattappu', sollannu tuli attallasa', nupila' jai siagang nupammantangngi butta Napa'janjianga Batara mae ri boe-boenu.

PAMMUJI 119:153

Kiciniki pa'risikku siagang Kipasalama' laloa', saba' tena nakubalang parekangi hukkunTa.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

PAOLE 4:9

Parhatikangi siagang u'rangi baji'-baji', sollanna tena nanukaluppai apa le'baka nucini' kalennu lalang tallasa'nu. Caritai mae ri ana' cucunnu

PAMMUJI 119:176

Sala oloanga' sanrapang gimbala' tappelaka, jari battu maKi', na Kiboya anne atanTa, saba' tena kubalang parekangi sikamma parentaTa.

PAOLE 4:23

U'rangi baji'-baji'! Teako takkaluppai ri parjanjiang Napareka Karaeng Allata'alanu siagang ikau ngaseng! Turuki parentaNa; tea' laloko appareki patung manna pole antekammaya tanja'na untu' nusomba,

PANGNGEBARANG 31:5

Saba', punna angnginung inungang terasa' karaenga, nakaluppai hukkunga siagang tenamo najampangi ha'na tau lammaya.

YESAYA 51:17

Ambangungko, he Yerusalem, ambangung mako! Hukkungang Napabattua Batara lanri larroNa le'ba'mi nujappai sa'genna la'busu'.

KALAPPASSANG 20:6

Mingka Kupappicinikangi pangngamaseangKu mae ri assa'bu-sa'bua jari-jarina tau mangngaia mae ri Nakke siagang mannurukia mae ri parentaKu.

PAMMUJI 91:16

LaKupassukkuki pa'mai'na naKupakala'bu umuru'na, siagang Kupasalamaki.”

PAMMUJI 119:61

Tau ja'dalaka natannangngia' sikko', mingka tena kukaluppai hukkunTa.

PANGNGEBARANG 2:1

Ana', tarima laloi ajarang-ajarangku, siagang tuli u'rangi laloi sikamma pappakaingakku mae ri kau.

PANGNGEBARANG 4:2

Anne apa kupangngajarranga mae ri kau bajiki, jari teako bawang-bawangngangi.

PANGNGEBARANG 16:31

Tau lambusuka lanisarei umuru' la'bu; uanna sanrapangi songko' kalompoang accaya.

PANGNGEBARANG 23:26

Parhatikangi baji'-baji', siagang contoi tallasa'na, ana'!

PAOLE 5:16

Pakalompoi siagang parakai anrong manggenu; iaminjo parentaKu, Karaeng Allata'alanu, sollannu salewangang siagang la'bu umuru'nu ri pa'rasangang Kupassareanga mae ri kau.

PAOLE 5:33

Gaukangi sikontu Napassuroanga Karaeng Allata'alanu mae ri kau, sollannu salewangang siagang akkulle ammantang tuli ri pa'rasangang lanupammantangia.”

PANGNGEBARANG 4:21

Teako pelakki, passangalinna tuli boliki ri pa'mai'nu.

PANGNGEBARANG 8:1

Pilangngeri! Akkio'-kioki kacara'dekanga, assa'rai pangngassenganga.

PANGNGEBARANG 9:1

Kacara'dekanga ambangummi balla', siagang napaenteng tujua bentenna.