PANGNGEBARANG 29:6 - KITTA' MATANGKASA'

⁶ Tau ja'dalaka niallei ri sikko' lanri dosana, tau lambusuka sannangi nakasia' siagang mate'nei.

PANGNGEBARANG 29:6 Referans Kwoze

2 TIMOTIUS 2:26

Lalang kammana anjo, akkullemi angngu'rangi ammotere' ke'nanga, siagang ta'lappasa'mi battu ri sikko'na Billisika, ia angngalleai pangngainna ke'nanga siagang ampassayai ke'nanga anturukiangi ero'na.

KATO'BA 9:12

Takkulleai naasseng rupataua ringngapanna nabattu wattunna. Sanrapang jangang-jangang naalle sikko' siagang juku' naalle jala, kamma tomminjo rupataua natuju bala, ri wattu tenaya nasanna-sannai.

KALAPPASSANG 15:1

Nampa nakelongammo Musa siagang tu Israel anne kelonga untu' mammuji mae ri Batara, “Eroka' mammuji mae ri Batara, saba' le'ba'mi ammeta lompo. Sikontu jaranga siagang tu'baena nipasambilai antama' ri tamparang.

PAMMUJI 118:15

Pilangngerimi pakkio' rannu ammetana ri kema-kemana umma'Na, “Nagaukangi Batara gau' malompoa!

PAMMUJI 97:11

Ammumbami singaraka mae ri tau tulusuka pa'mai'na, siagang karannuanga mae ri tau lambusuka.

PAMMUJI 11:6

Nahukkungi tu ja'dalaka siagang bala lompo, siagang pepe', batu a'rinra siagang anging appakamutunga.

1 PETRUS 1:8

Mangngamaseangko ri Ia, manna pole tanucinika riolo. Siagang tappakko ri Ia manna pole tanucinika kamma-kamma anne. Iaminjo saba'na nanurannu, siagang nanukasia' karannuang mala'birika siagang sukkaraka nicarita.

YAKOBUS 1:2

Sikamma sari'battangku! Punna nukasia' a'rupa-rupaya paccoba, parallui nubilang upa' kalennu.

PANGNGEBARANG 12:13

Tau ja'dalaka niallei ri sikko' kana-kana kodi napasuluka; tau bajika nipalili battu ri kasukkarranga.

PANGNGEBARANG 5:22

Anjo dosana tau ja'dalaka sanrapangi sikko' tattannanga untu' kalenna tonji ke'nanga.

PAMMUJI 132:16

Imang-imanna ampappicinikangi kasalamakkang battua ri Nakke; lakkelongi umma'na siagang akkio' rannu.

1 YOHANES 1:4

Natulisi'mi ikambe anne suraka sollanna rannu tojeng-tojeng pa'maitta.

HAKING-HAKING 20:41

Na anjo memang wattua nata'gilimmo pasukang lomoro' se'rena Israel maju ambunduki ke'nanga, sanggena silingu-linguimi anjo tantarana tu Benyamin, lanri naassennamo kalenna angkanaya mattantu lanibetami ke'nanga.

PANGNGEBARANG 22:5

Sikkoka siagang tadoka niaki ri oloanna tau jekkonga, liliang ngasengi anjo sikammaya, punna erokko salama'.

PANGNGEBARANG 10:28

Panrannuanna tau bajika ampa'jari mate'nei; panrannuanna tau ja'dalaka tena sikali bonena.