PANGNGEBARANG 29:4 - KITTA' MATANGKASA'

⁴ Punna naparhatikang pamarentaya kaadelanga, lakassaki pa'rasanganna. Mingka punna doe' bawang naparalluang, laruntungi pa'rasanganna.

PANGNGEBARANG 29:4 Referans Kwoze

PANGNGEBARANG 29:14

Punna naalleangangngang karaeng ha'na tau lammaya, lattaung-taungi lammarenta.

MIKHA 7:3

Para cara'deki a'gau' ja'dala'. Pagawea siagang hakinga appalaki doe' pacoco', siagang pamimpinga napassakangi ero'na, kammami anjo batena ke'nanga assikongkolo' ngaseng.

DANIEL 11:20

Lanisambeangi ri sitau karaeng, assuroai pagawena appasse're sima siagang palla'; napassai taua untu' antambai kakalumanynyangnganna kakaraenganga. Sinampe' duduji nanibunomo anjo karaenga, iamintu nibuno cokko-cokkoi, tena namate lalang ri pa'bundukang.”

PANGNGEBARANG 20:8

Punna ammempo karaenga ri kaderaya ri pangadelang, akkullei nacini' sikontu tau ja'dalaka.

YESAYA 49:8

Nakana Batara ri umma'Na, “Punna mangngellaiA', lappialiA'; ri allo appasalamakKu, laKutulungko. Kula'langiko siagang Kujagaiko, siagang Kupa'jariko parjanjiang mae ri bansa-bansaya. Kupa'jari bajiki ammotere' pa'rasangang sinoa a'jari butta pisaka nipammantangia.

YESAYA 9:7

Napabattumi Batara hukkunganga mae ri kakaraenganna Israel.

PANGNGEBARANG 16:12

Mae ri tukoasaya, nikanaya a'gau' ja'dala' iami karantassang, saba' jarreki pamarentahanna lanri kaadelang.

PANGNGEBARANG 8:15

Sikamma karaenga kubantui anggaukangi pamarentahanga, sikamma tukoasaya kutulungi ampaentengi kaadelanga.

PAMMUJI 99:4

Ri Kattemi kakoasanga, o, Karaeng mangngaia ri hukkung; iKatte ampaentengi katojenganga; iKatte ampajappai hukkunga siagang kaadelanga ri Israel.

PAMMUJI 89:14

Tamaka lompona koasaTa, tamaka heba'na kagassinganTa!

2 PATTOTTORANG 9:8

Nipujimi arenNa Batara, Allata'alata! Lanri Naangkatta a'jari karaeng untu' ammarenta lalang arenNa Napappicinikammi antekamma sannanNa mae ri katte. Lanri Nakamaseanna umma' Israel siagang Nakellaina tuli nia' ke'nanga, Naangka'maki' a'jari karaeng mae ri ke'nanga, sollanna akkulle kipaenteng hukkunga siagang kaadelanga.”

1 KARAENG-KARAENG 2:12

Nampa Salomo a'jari karaeng, ansambeangi Daud manggena. Teai sipato' kassa'na kakoasanna Salomo salaku karaeng.

2 SAMUEL 8:15

Kammaminjo batena Daud ammarenta ri sikontu Israel siagang najagai sollanna nigau' adele' siagang baji' ra'yaka.

1 SAMUEL 13:13

Nalangngere'na Samuel anjo, nakanamo ri Saul, “Dongo' sikali anjo panggaukanta karaeng. Ebara' angkana kituruki parentaNa Karaeng Allata'ala mae ri katte, ma'nassa laNapattantui Batara angkana ikatte siagang turunganta la'jari karaeng situlusu'na.

AYUB 11:6

Siagang dasi-dasi nanipauangko ri Ia, angkanaya anjo kacara'dekanga jai lampa-lampana, siagang takkulleai napahang rupataua. Mingka angngu'rangiko angkana tena nasiapa pa'risi'nu, punna nipasitimbangi hukkungang siratanga nutarima.

PANGNGEBARANG 14:34

Kaadelanga siagang kabajikanga naangkaki areng baji'na bansaya, mingka dosaya ampa'jari tunai bansaya.

PANGNGEBARANG 16:10

Karaenga annarimai koasa battu ri Allata'ala, jari, tena nasala lalang kaputusanna.