PANGNGEBARANG 29:18 - KITTA' MATANGKASA'

¹⁸ Bansa tenaya Nipimpingi ri Batara a'jari bansa tuli rassi karicuang. Mate'nei taua ia mannurukia ri hukkunNa Batara.

PANGNGEBARANG 29:18 Referans Kwoze

LUKAS 11:28

Mingka appialimi Isa Nakana, “La'bi upakkangangi pole tau allangngerekai siagang anggaukangi kana-kananNa Allata'ala!”

YAKOBUS 1:25

Anjo hukkunNa Allata'ala sukkuki siagang makoasai untu' ampakabebasaki rupataua. Na inai-nai ansalidiki siagang amparhatikang baji'-bajiki kammayatompa anggaukangi anjo hukkung-hukkunga, jari tena na nalangngere'ja bawang nampa nakuluppai, iami lanibarakkaki ri Allata'ala lalang sikontu apa-apa nagaukanga.

HOSEA 4:6

Ikau ngaseng, sikamma imanga, tena nujampangiA', jari ummakKu tena tommo najampangiA' sa'genna natuju bala ke'nanga. Nutollaki ajarang-ajarangKu. Jari, iNakke laKutolla' tongko, siagang ana'-ana'nu tena nalaKuani salaku imang-imangKu.

YOHANES 13:17

Nuasseng ngaseng minne; jari mate'ne mako punna nugaukangi.

PANGNGEBARANG 19:16

Tau mannurukia ri sikamma parentaNa Allata'ala lasalamaki, tau tenaya naanggaraki lamatei.

PAMMUJI 119:2

Mate'nei tau anturukiai parentaNa, siagang sibatu pa'mai'na usaha angngassengi Batara.

1 SAMUEL 3:1

Lalang kammana anjo, anjo Samuel, ana'-anaka ija, allayani ri Batara nipimping ri Eli. Anjo wattua langkara' sikali nania' pappasang siagang paccini' battu ri Batara.

MATIUS 9:36

Na ri wattunna Nacini' ngaseng Isa anjo tau jaia, tu'guru'mi pangngamaseanNa. Lanri sanrapangi ke'nanga gimbala' tappelaka siagang dodonga lanri tenana pakalawakinna.

KALAPPASSANG 32:25

Nasadarimi Musa angkanaya nabalang parekangi Harun anjo bansa Israel rapang jarang lappasaka battu ri barana, sa'genna nikakkalimo ke'nanga ri musu-musunna ke'nanga.

PAMMUJI 74:9

Tenamo nicini' na'bi-na'bi siagang tanra-tanra appakalannasa', manna sitau tania' angngassengi sa'genna siapa sallona tulusu' lakamma anne.

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

PAPPICINI' 22:14

Maupaki tau antangkasiai jubana sa'genna tangkasa'. Iaminjo ke'nanga lanipa'biang langkanrei rapponna anjo poko' katallassanga, siagang la'jappa antama' ri anjo kotaya, angngolo ri pakke'bu' lompona.

2 PATTOTTORANG 28:19

Lanri nabokoina Ahas karaeng Yehuda Batara, siagang tena naparentai ra'yaka situru' ero'Na Batara, appabattumi kasusaang Batara mae ri tu Yehuda.

PAMMUJI 106:3

Mate'nei tau mannurukia ri parenta-parentaNa, siagang tuli annabaya lalang tindakanna.

PANGNGEBARANG 8:32

Lanri kammana anjo, pilangngeria', he tau rungkaya! Turuki pitunjukku, nulamate'ne.

PANGNGEBARANG 29:19

Ataya takkulleai niajara' siagang poro kana-kana bawang. Napahangi, mingka tena naparhatikangi.

PAMMUJI 119:1

Mate'nei tau tenaya callanna lalang tallasa'na siagang mannurukia ri hukkunNa Batara.