PANGNGEBARANG 29:15 - KITTA' MATANGKASA'

¹⁵ Pangngajaranga siagang pappasailea napa'jari taua cara'de'. Ana' tuli niturukianga ero'na lanapakasiriki amma'na.

PANGNGEBARANG 29:15 Referans Kwoze

PANGNGEBARANG 17:25

Ana' toloa nasusai manggena, siagang napakasi'nai pa'mai'na amma'na.

PANGNGEBARANG 29:17

Ajaraki ana'nu, nanasareko kasannangngang, siagang a'jari panynyaleori ri kau.

PANGNGEBARANG 13:24

Punna tanitunrunga anaka, battuanna tena nimangngai ri ia; punna ningai, musti barani taua antunrungi.

PANGNGEBARANG 10:1

Iaminne sikamma pappakainga'na Salomo: Ana' cara'deka iami nakalompoang pa'maika manggena; ana' toloa napakasusai pa'mai'na amma'na.

PANGNGEBARANG 22:6

Ajaraki se'rea ana' antekamma batena siratang attallasa', na sa'genna toa tuli lakammana batena attallasa'.

PANGNGEBARANG 22:15

Siratangi ana'-anaka anggaukangi katoloanga, mingka raukanga akkulle angngajaraki ke'nanga sollanna napinra panggaukanna.

PANGNGEBARANG 17:21

Anggappaya ana' tolo, sangkammami anggappaya si'na; a'jari mangge ri ana' tolo, tena nangngerang karannuang.

PANGNGEBARANG 10:5

Tau cara'deka appa'rappungi kattoang punna narapi' wattunna, mingka tau attinroa bawang ri wattu pakkattoanga, lanapakasiriki kalenna.

PANGNGEBARANG 29:21

Ata tuli nipalecea battu ri rungkana, kale'bakkanna la'jari tamappilangngeriai.

PANGNGEBARANG 19:18

Atoro' bajiki ana'nu lalang nia'na ija panrannuang; punna tena, sanrapang erokko ri kapanrakang.