PANGNGEBARANG 28:27 - KITTA' MATANGKASA'

²⁷ Inai assare ri tu kasi-asia tena nalakakurangang. Inai tanjampangiai kaparalluanna tu kasi-asia lanatabai pattunra.

PANGNGEBARANG 28:27 Referans Kwoze

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 11:24

Nia' tau nangai assare, mingka pila' kalumanynyangi, nia' tau gi'giliki, mingka pila' kasi-asi puppusuki.

PAOLE 15:7

Punna ammantang mako sallang ri pa'rasangang Napassareanga Karaeng Allata'alanu mae ri kau, nampa ri kalase'renna kotanu nia' julu bansanu kakurangang, teako kabajikang kalennu bawang nuparhatikang siagang taerokako ambantui.

PAOLE 15:10

Pakasannangi pa'mai'nu na nurella assarei anjo taua, na Nabarakkaki Karaeng Allata'alanu sikontu usahanu.

PANGNGEBARANG 22:9

Tau baji' pa'maika nibarakkaki ri Batara, lanri nabagei dalleka siagang tau kakuranganga.

PANGNGEBARANG 11:26

Inai appatambung apa-apa lanitunrai ri taua, mingka inai ambalukangi langgappai pammuji.

IBRANI 13:16

Teako takkaluppai a'gau' baji' siagang situlung-tulung, nasaba' iaminne kammaya koro'bang-koro'bang ampakasannangai atinNa Allata'ala.

YESAYA 1:15

Punna nupatara limannu appala' doang, tena Kuero' amparhatikangi. TaKujampangiai angkana siapa jaina pappala' doannu, taerokA' ampilangngeri, nasaba' iaminjo limannu jai sikali tau nabuno.

PANGNGEBARANG 24:24

Punna tau salaya nakana tena nasala, anjo hakinga lanitunrai siagang lanipakkanai ri sikontu tau jaia.

PANGNGEBARANG 28:28

Punna tau ja'dala' koasa, accokkoi ra'yaka; punna panra' tau ja'dalaka, tau adeleka lammarenta siagang laluasa.

PANGNGEBARANG 11:25

Tau jaia passarena, lakala'biangi, tau nangai annulung lanitulung tongi.