PANGNGEBARANG 28:25 - KITTA' MATANGKASA'

²⁵ Punna kaparalluang kaleaji nicinikiang lappaumbai pa'beserang; la'bi upakkangngangko punna tappakko ri Batara.

PANGNGEBARANG 28:25 Referans Kwoze

1 TIMOTIUS 6:6

Memang assarei passawallang lompo agamaya punna sukkuru'mo taua ri apa-apa niaka ri ia.

PANGNGEBARANG 11:25

Tau jaia passarena, lakala'biangi, tau nangai annulung lanitulung tongi.

PANGNGEBARANG 13:10

Katampoanna poro pa'beserang bawang napaumba; tau cara'deka eroki annarima pangngajarang.

PANGNGEBARANG 13:4

Tau malasaka jai nakaeroki mingka manna se're tanarapi' tau anjama terasaka lanagappai sikontu apa nakaerokia.

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

PANGNGEBARANG 29:25

Mallaka ri panggappana taua, angngerangi kasusaang. Tappakko ri Batara, na nulaamang.

PANGNGEBARANG 29:22

Tau lintaka larro napa'jari taua jai a'besere' siagang doraka.

PANGNGEBARANG 22:10

Bongkai tau nangaia anghina, nammari passisalanga, passimusuanga, siagang sicalla-callaya.

PANGNGEBARANG 21:24

Tau borroa siagang tinggi langgaya nangai accalla siagang kurangajara'.

PANGNGEBARANG 15:30

Tanja'na tau rannua appakarannui pa'mai', kabara' bajika appakabajiki nyawa.

PANGNGEBARANG 15:18

Tau lintaka larro appaumbai pa'beserang, tau sa'baraka angngerangi passiamakkang.

PAMMUJI 84:12

Saba' Karaeng Allata'ala pa'la'langanta siagang Karaeng Malompo, assidakkiaki' pangngamaseang siagang kalompoang. Tale'bakai Natolla' apa bajika mae ri tau tenaya callanna ri tallasa'na.

YESAYA 58:11

INakke tuli lampimpingko siagang lampakabassorokko ri butta kalotoroka; iNakke lanjagaiko sollannu tuli akkamale siagang kassa'. Larapangko koko anggannaka ri je'ne', rapang timbuseng je'ne' tenaya nale'ba' a'jari kalotoro'.

PANGNGEBARANG 10:3

Batara tena Nabalang parekangi tau bajika naalle cipuru'; mingka Nahalangi tau ja'dalaka sollanna tanagappaya apa nakaerokia.

PANGNGEBARANG 15:27

Inai a'boya passawallang tenaya nahallala', napanraki kaluarga kalenna. Inai angkabirisi doe' pammuccuka, lamate'nei.