PANGNGEBARANG 28:23 - KITTA' MATANGKASA'

²³ Tau appasailea, kale'bakkanna la'bi nipakalompoi na tau appalecea.

PANGNGEBARANG 28:23 Referans Kwoze

MATIUS 18:15

“Punna sala sari'battannu ri kau, battuko mae ri ia nanupauang kasalanna. Ikau tommo sipa'rua punna nupauangi. Na punna napilangngeriji kanannu, nugappamintu ammotere' anjo sari'battannu.

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

GALATIA 2:11

Ri wattunna battu Petrus ri Antiokhia kupakaingaki silambusu'na, lanri salai batena appanggaukang.

PANGNGEBARANG 29:5

Inai ampalecei paranna tau, attannangi sikko' untu' kalenna.

1 KARAENG-KARAENG 1:23

Nampa nipauammi karaenga angkanaya niaki Na'bi Natan. Assulu'mi Batsyeba, nampa antama' Na'bi Natan, siagang su'ju' ri dallekanna karaenga.

2 SAMUEL 12:7

Nakanamo Natan ri Daud, “Ikattemi anjo taua karaeng! Siagang iaminne kananNa Batara, iamintu Allata'alaNa Israel, ‘Ikau le'ba' mako Kuangka' a'jari karaeng mae ri Israel siagang Kupasalamakko battu ri Saul.

PANGNGEBARANG 24:25

Mingka haking anghukkungai tau salaya lamate'nei siagang lanipakalompoi.

AYUB 32:21

Tena lakualleangang lalang ri anne pa'geakkanga siagang tena manna sitau lakupuji-puji.

AYUB 32:22

Manna appalecea, tena todong nakuassengi, na ebara' angkana kuassengi kugaukang anjo kammaya, laNahukkung silalonna' Allata'ala.”