PANGNGEBARANG 28:13 - KITTA' MATANGKASA'

¹³ Inai ancokkoi dosana tena nalaupa'. Inai angngakui, lanabokoi, nampa laNikamaseang ri Batara.

PANGNGEBARANG 28:13 Referans Kwoze

AYUB 31:33

Tau maraenga nacokkoi dosana, mingka inakke tena kule'ba' appakamma anjo ke'nanga.

AYUB 33:27

Na lanakanamo ri dallekanna tau jaia, ‘Lompoi dosaku, lanri ja'dalaka kukana baji', mingka tena Nahukkunga' Allata'ala.’

LAMPA-LAMPANA 26:20

Kupaumi silambusu'na mae ri taua angkanaya musti toba' ngasengi ke'nanga battu ri massing dosa-dosana. Musti napassareangi tallasa'na ke'nanga mae ri Allata'ala. Siagang musti napa'butti lalang ri katallassanna ke'nanga, angkanaya ma'nassa toba' tojeng-tojemmi battu ri dosa-dosana ke'nanga. Uru-uruna anjorengi ri Damsyik kupau anne passalaka. Le'baki anjo nampa ri Yerusalem, siagang ri sikontu Yudea, ri tangnga-tangngana bansa maraenga.

PAMMUJI 51:10

Boli'mi kamma kulangngere' kabara' nikarannuanga, sollanna a'jari rannu poleang anne atingku le'baka Kiancuru'.

PA'JARIANG 4:9

Akkuta'nammi Batara ri Kain angkana, “Kemaei Habel, andi'nu?” Appialimi Kain angkana, “Takuassengai. Apaka musti kujagai andikku?”

PANGNGEBARANG 10:12

Kabirissanga appaumbai pa'beserang; mangngamaseanga napammopporangi sikontu kasalanga.

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

PANGNGEBARANG 17:9

Punna erokko ningai ri taua, pammopporangi kasalang nagaukanga ke'nanga. Punna manynyero kana ri kasalang poro mannappu'ji bawang passari'battangang.

1 SAMUEL 15:13

Assibuntulu'na Samuel siagang Saul, nakanamo Saul ri ia, “Tapporo Nabarakkakiki' Batara bapa'! Le'ba'mi kugaukang Naparentakanga Batara.”

KAIMANGNGANG 5:5

Untu' sikamma anjo kasalang kammaya, parallui naakui taua kasalanna.

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.

2 SAMUEL 14:32

Appialimi Absalom angkana, “Lanri tenana nuero' battu ri wattunnu kukio'. Erokka' assuroko mange andallekang ri karaenga siagang ampabattui anne pakkuta'nangku, ‘Apa matu-matunna kubokoi Gesur siagang ammotere' mae anrinni? Bajikangngang anjoremma' ammantang.’ ” Siagang nakana pole Absalom, “Usahakangi sollangku akkulle andallekang ri karaenga, siagang punna nicini' tau sala ija', sadiama' lanihukkung mate.”

EZRA 10:11

Lanri kammana, akuimi sikamma dosanu ri Allata'ala, ia nasombaya boe-boeta, nampa nugaukang apa appakasannanga ri pa'mai'Na. Pakabellai kalennu battu ri bansa maraeng niaka ammantang ri pa'rasanganta siagang bongkai anjo sikamma bainennu battua ri bansa maraenga.”

YEREMIA 2:35

nukana ija kalennu tena nusala, angkanaya tena Kularro mae ri kau. Mingka iNakke, Batara, laKuhukkungko lanri tenana nuero' mangaku angkanaya salako.

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

HAKING-HAKING 10:15

Mingka nakanamo umma' Israel mae ri Batara, “Dorakami ikambe, Batara. Kigaukammi manna apa erotTa, assala' Kitulungi ikambe anne alloa.”

2 KARAENG-KARAENG 20:15

Akkuta'nammi pole Yesaya angkana, “Apa nacini' ke'nanga ri balla' karaenga?” Appialimi Hizkia angkana, “Yangaseng-ngasenna! Tena manna sike'de' apa-apa niaka lalang ri pammolikang barang-baranna balla' kakaraenganga takupappicinikang mae ri ke'nanga.”

2 PATTOTTORANG 6:26

Punna doraka ummatTa mae ri Katte nampa Kihukkung ke'nanga iamintu tena Kippaturung bosi, nampa toba' ke'nanga battu ri dosana siagang ammotereki ke'nanga ampakala'birikKi' salaku Batara, nampa andallekang mae ri anne BallatTa, siagang appala' doang ri Katte,

EZRA 10:2

Nampa nakanamo Sekhanya ana'na Yehiel battu ri golongang Elam, ri Ezra, “Dorakami ikambe ri Batara lanri a'buntingi ikambe siagang baine bansa maraeng. Mingka nia' ija panrannuang mae ri bansa Israel.

AYUB 34:31

O, Ayub, apaka le'ba'mi numangakui dosanu mae ri Allata'ala? Le'ba' mako a'janji talanugaukangnga pole dosaya?

YESAYA 55:7

Parallui tau ja'dalaka napakabaji' tallasa'na, siagang napinra batena appikkiri'. Lappassammi ammotere' mae ri Batara, sollanna anggappa pangngamaseanNa. Parallui assaile mae ri Allata'alata, saba' lammoro' pa'maiki Batara ampammopporangi taua.

YUNUS 3:10

Nacini'mi Allata'ala panggaukanna ke'nanga; Naciniki angkanaya nabokoimi ke'nanga panggaukang ja'dala'na. Jari Napinrami kaputusanNa, siagang tanjariami Nahukkung ke'nanga.