PANGNGEBARANG 27:8 - KITTA' MATANGKASA'

⁸ Tau ambokoiyai balla'na, sanrapang jangang-jangang ambokoi ru'munna.

PANGNGEBARANG 27:8 Referans Kwoze

YESAYA 16:2

Attayangi tu Moab ri birinna Binanga Arnon nampa lingu pitijappa-jappai, rapang jangang-jangang nibongka battu ri ru'munna.

PANGNGEBARANG 21:16

Tau tamannurukia ri bate tallasa'na tau bajika akkala'na, mattantu labattui mange ri linona tau matea.

1 KORINTUS 7:20

Boli'mi kamma massing attallasa' taua sangkamma ri wattunna natarima pakkio'Na Allata'ala.

YUNUS 1:3

Mingka ba'lalo a'lampa maraengi Yunus untu' ampakabellai kalenna battu ri Batara. A'lampa mangei ri Yopa, na sitabangi nia' kappala' ero' a'lampa mange ri Spanyol. Le'baki a'bayara' ongkoso' kappala', nai'mi ri kappalaka, nampa assombala' siagang ana' kappalaka mange ri Spanyol, untu' ampakabellai kalenna battu ri Batara.

1 KARAENG-KARAENG 19:9

A'bangngimi Elia anjoreng lalang ri se'reang kali'bong batu. Nampa Nakanamo Batara ri ia, “Elia, apa nupare' anrinni?”

1 SAMUEL 22:5

Ri se'reang allo nia'mo sitau na'bi niarenga Gad battu mae ri Daud na nakana, “Teako ammantangngi anrinni ri kali'bonga. A'lampako linta' mange ri Yehuda.” Jari a'lampami Daud, nampa antama' ri romang Keret.

PANGNGEBARANG 26:2

Sanrapang jangang-jangang anri'ba' siagang allayang ri alla', kamma tomminjo pattunraya takkulleai nataba tutenaya nasala.

PA'JARIANG 4:16

Nampa a'lampamo Kain battu ri dallekang mala'biri'Na Batara, namange ammantang ri butta niarenga “Pa'lampang” irayanganna koko Eden.

YUDAS 1:13

Sanrapang bombang sannaka lompona siagang a'busa-busaya ri tamparanga, sangkamma tommi anjo sanrapanna a'busa-busana panggaukang appakasiri'-siri'na ke'nanga. Sanrapangi ke'nanga bintoeng-bintoeng pitilampa-lampaia, siagang le'bakamo nipasadiang tampa'na ri Allata'ala, iamintu lalang ri tampa' sannaka sassanna sa'genna satunggu-tungguna.

PA'JARIANG 21:14

Ammukona bari'basa', nasaremi Abraham kanre Hagar siagang se're pammoneang je'ne' untu' a'jari bokong ri lampana. Napadenge'mi anjo anaka ri dongko'na Hagar, nampa nasuro anjo bainea a'lampa. A'lampami Hagar mange ri parang lompona Bersyeba.

PANGNGEBARANG 27:7

Punna bassoro' taua, manna bania nitolla' ngasengi; punna cipuruki taua, manna paika nyamang ngaseng kasia'na.

1 KARAENG-KARAENG 11:22

Akkuta'nammi karaenga angkana, “Angngapai? Apaka kakurangangko anrinni, sa'gennu ero' ammotere' mange ri pa'rasangannu?” Appialimi Hadad angkana, “Tena nakukakurangang apa-apa, mingka lappassamma' a'lampa.” Jari ammotere'mi mange ri pa'rasanganna.