PANGNGEBARANG 27:6 - KITTA' MATANGKASA'

⁶ Aganga natunrungki' siagang pangngamaseang, mingka musua narakakki' siagang racung.

PANGNGEBARANG 27:6 Referans Kwoze

PAMMUJI 141:5

Punna nia' tau baji' ampakaingaka', siagang lambusuki pa'mai'na angngajarakka', iaminjo sanrapang minynya' kaminang baji' mae ri nakke. Poro tena lalo nakutollaki, saba' tulusu' appala' doangku ambaliangi kaja'dallanna ke'nanga.

PAPPICINI' 3:19

Sikamma tau Kukamaseanga Kupakaingaki siagang Kuba'balaki. Lanri kammana, paralluko allompoi ngasengi sumanga'nu, siagang toba' battu ri dosa-dosanu ngaseng.

IBRANI 12:10

Punna naajarakki' tau toata ri anne linoa nia' batasa'na, situru' apa nakanaya baji' ke'nanga. Mingka punna Naajarakki' Allata'ala, anjo untu' kabajikang kalenta tonji, sollanta akkulle turu' siagang Ia a'jari matangkasa'.

PANGNGEBARANG 10:18

Tau accokkoa kabirisang iami patipu. Tau appa'la'banga pitina iami tau dongo'.

PANGNGEBARANG 20:30

Nia' wattunna na pangalamang paika allu'luki kaja'dallanga, siagang natangkasi atinna rupataua.

PANGNGEBARANG 27:7

Punna bassoro' taua, manna bania nitolla' ngasengi; punna cipuruki taua, manna paika nyamang ngaseng kasia'na.

PANGNGEBARANG 28:23

Tau appasailea, kale'bakkanna la'bi nipakalompoi na tau appalecea.