PANGNGEBARANG 27:5 - KITTA' MATANGKASA'

⁵ Bajikangngangi pappasaile nilambusianga kala pangngamaseang tenaya nanipasuluki.

PANGNGEBARANG 27:5 Referans Kwoze

PANGNGEBARANG 28:23

Tau appasailea, kale'bakkanna la'bi nipakalompoi na tau appalecea.

1 TIMOTIUS 5:20

Inai-nai a'gau' dosa, musti nipakaingaki ri dallekanna sikontu jama'aka, sollanna a'jari malla' maraengannaya.

GALATIA 2:14

Kucini'na ke'nanga appakamma gio'na lalang ri anjo katojenganna Kabara' Bajika, kukanamo mae ri Petrus ri dallekanna ngaseng tau niaka hadere' anjoreng, “Punna ikau tu Yahudiko mingka sangkammami gio'nu siagang bansa maraenga, angngapa nanupassa kamma-kamma anne tau maraenga a'jari sangkamma tu Yahudia ri katallassanna?”

MATIUS 18:15

“Punna sala sari'battannu ri kau, battuko mae ri ia nanupauang kasalanna. Ikau tommo sipa'rua punna nupauangi. Na punna napilangngeriji kanannu, nugappamintu ammotere' anjo sari'battannu.

KAIMANGNGANG 19:17

Teako pammoli'-molikangngi parannu tau, manna pole inai. Pakabajiki punna nia' passisala-salannu manna pole inai nuagang sisala-sala, sollanna tena nudoraka passabakkang tau maraeng.